Qaraǵandy oblysynda qala jáne aýdan ákimderi senbilikke shyqty
QARAǴANDY. QazAqparat - Qaraǵandy oblysynda aýdan jáne qala ákimderi senbilikke shyqty, dep habarlaıdy «QazAqparat» HAA tilshisi.
Atqarý bılik organdarynyń basshylary turǵyndarǵa kóshedegi tazalyqqa árbir adamnyń umtylýy kerek ekenin kórsetip, úlgi boldy.
«Ákimder men 49 myń senbilikke qatysýshylar Jeńis parkinde 800 aǵash otyrǵyzdy. Oblystyq senbilikke 4 myń ujym qatysyp, 67 arnaıy tehnıka tartyldy. 12 myń gektardan astam jer kógaldandyrylyp, ruqsat etilmegen 13 qoqys tastaıtyn oryn joıyldy», - dep habarlady Qaraǵandy ákimdiginiń baspasóz qyzmeti.
