Qaraǵandy oblysynda izdeýde júrgen salyqshy óz erkimen polıtsııaǵa keldi
QARAǴANDY. 1 maýsym. QazAqparat - Qaraǵandy oblysynda 1 jyldan astam ýaqyt boıy para alǵany úshin izdeýde júrgen Temirtaý qalasy boıynsha salyq basqarmasy zańdy tulǵalar aýdıt bóliminiń basshysy Qanat Esenbaev óz erkimen polıtsııa keldi.
Bul týraly oblystyq ekonomıkalyq qylmys jáne sybaılas jemqorlyqpen kúres departamentiniń (qarjy polıtsııasy) baspasóz qyzmeti habarlady.
«29 mamyrda 2011 jyldyń naýryz aıynan sottyń sanktsııasymen qamaýǵa alyný úshin izdýge júrgen Q. Esenbaev óz erkimen Qaraǵandy oblysy boıynsha qarjy polıtsııasy departamentine keldi. Qazirgi ýaqytta ol ýaqytsha ustaý abaqtysyna qamaldy. QR QK-niń 311 babanyń 4 bólemi «b» tarmaǵy boıynsha qozǵalǵan qylmystyq is tekserilýde», - delingen baspasóz qyzmeti taratqan habarlamada.
Ótken jyldyń kóktem mezgilinde para alý faktisimen Temirtaý qalasy boıynsha salyq departamentiniń eki qyzmetkerine - zańdy tulǵalar aýdıti bóliminiń basshysy Q. Esenbaev pen sol bólimniń bas mamany R. Manashov esimdi azamattarǵa qatysty qylmystyq is qozǵaldy. Olar para retinde zańdy tulǵanyń ókilinen JShS joıý boıynsha salyq tekserý jumystaryn tez arada ótkizip, bitirý úshin 7000 AQSh dollaryn jáne basqa JShS-de esh buzýshylyqsyz salyq tekserý jumystaryn ótkizý úshin 20 000 myń AQSh dollaryn suraǵan. Aqsha valıýta aıyrbastaý pýnkti arqyly berilgen.
«2011 jyldyń 5 naýryzynda Manashov 7000 myń AQSh dollary kóleminde para alǵany anyqtaldy. Keıin, 29 naýryzda 20 000 myń AQSh dollary somasynda para alǵan bas maman qarajatty Q. Esenbaeqa tabystaǵany málim boldy», - dep habarlady qarjy polıtsııasy departamentiniń baspasóz qyzmeti.
R. Manashov ótken jyldyń qarasha aıynda para alýda deldal bolǵany úshin 3 jylǵa sottalǵan bolatyn.
