Qaraǵandy oblysynda iz-túzsiz joǵalǵan er adamnyń kóligi tabyldy
QARAǴANDY. QazAqparat – Qaraǵandy oblysynda joǵalǵan er adamdy izdeý jumystary jalǵasýda. Qaraǵandy oblysy Nura aýdany Kárim Myńbaev aýylynyń turǵyny 8 sáýirge qaraǵan túni kórshi aýylǵa ketti, biraq mejeli jerge jetpegen. Búgin polıtseıler onyń kóligin tapty, dep habarlaıdy QazAqparat tilshisi.
Osyǵan deıin habarlanǵandaı, 10 sáýir kúni saǵat 03:00-de Nura aýdanynda er adam joǵalyp ketkeni týraly habarlama kelip tústi. Ótinish berýshiniń aıtýynsha, 8 sáýirge qaraǵan túni 1958 jyly týǵan er adam Kárim Myńbaev aýylynan Tassýat aýylyna avtokólikpen shyǵyp, mejelegen orynǵa jetpegen. Іzdestirý-qutqarý jumystaryn júrgizý úshin oqıǵa ornynda TJD, polıtsııa jáne jergilikti turǵyndar jumyldyryldy. Іzdestirý jumystaryna tikushaq tartyldy.
Qaraǵandy oblysynyń polıtsııa departamenti joǵalǵan sharýa qojalyǵynyń basshysyn izdestirý boıynsha qutqarý is-sharalarynyń nátıjeleri jaıly málimdeme berdi.
Nura aýdanynyń 62 jastaǵy turǵyny avtokóligimen aýdan ortalyǵyna qaraı bet alǵan, sodan keıin er adamdy eshkim kórmegen.
«Atalǵan fakti boıynsha izdeý-izdestirý sharalary birden bastaldy. Oǵan polıtseılerden basqa Qaraǵandy oblysy Tótenshe jaǵdaılar departamentiniń qyzmetkerleri, eriktiler de qatysýda. Qazirgi ýaqytta habar-osharsyz ketken er adamnyń kóligi tabyldy. Іzdestirý sharalary jalǵasýda», - dedi Qaraǵandy oblysy PD baspasóz qyzmeti.
