Qaraǵandy oblysynda ishimdik jasaýǵa arnalǵan jasyryn tseh anyqtaldy

NUR-SULTAN. QazAqparat – QR Qarjylyq monıtorıng agenttiginiń Qaraǵandy oblysy boıynsha aýmaqtyq departamenti kontrafaktilik alkogol ónimin daıyndaý jáne ótkizý faktisiniń jolyn kesti, dep habarlaıdy QazAqparat departamenttiń baspasóz qyzmetine silteme jasap.

Baspasóz qyzmetiniń málimetterine qaraǵanda, jasyryn tergeý áreketteriniń nátıjesinde Qaraǵandy ​​oblysynyń Saran qalasynda jalǵa alynǵan qoımada sýrrogat alkogol ónimin óndiretin astyrtyn tseh uıymdastyrylǵany anyqtaldy. Atalǵan tseh ónimderi Qaraǵandy ​​oblysynyń bazarlary men dúkenderine ótkiziletin bolǵan.

Tintý kezinde jalpy kólemi 10 myń lıtrge jýyq 4 myń dana sýrrogat spırtiniń plastıkalyq bótelkeleri, 500 lıtr kólemindegi 100 dana plastıkalyq ydystar, jalpy kólemi shamamen 12 myń lıtr 20 myńnan astam dana ár túrli sharap jáne araq ónimderi tárkilendi.

«Atalǵan fakti boıynsha Qylmystyq kodekstiń 214-babynyń 1-bóligi boıynsha sotqa deıingi tergep-tekserý jumystary bastalyp, óndirilgen jáne ótkizilgen ónimniń barlyq kólemin anyqtaý boıynsha jedel-izdestirý sharalary júrgizilip jatyr»,-dep habarlaıdy QazAqparat.