Qaraǵandy oblysynda ınvestorlar 18 áleýmettik jobany iske asyrýǵa kómektesedi
Oblystyq máslıhattyń kezekten tys HHІІ sessııasy barysynda halyq qalaýlylary memlekettik-jekemenshik áriptestik (MJÁ) jelisi boıynsha júzege asyrylatyn jobalardyń jańartylǵan tizimin bekitti. Osyǵan deıin tizimde bolǵan 15 jobaǵa taǵy úsheýi qosyldy.
«Qazirgi ýaqytta barlyq qajetti bekitýler men saraptamalardan úsh MJÁ jobasy ótti. Olardyń jalpy quny 426 mln teńgeni quraıdy. Eki joba sport salasynda, quny - 186 mln teńge. 115,6 mln teńgege josparlanǵan taǵy biri tilderdi damytý salasy boıynsha júzege asyrylady», - dep túsindirdi Ekonomıka basqarmasynyń jetekshisi Oraz Táýirbekov.
Atap aıtqanda, bul - Qaraǵandyda boı kóteretin «Ójet» sport kesheni, Jezqazǵanda ashylatyn Taekvondo ortalyǵy jáne Qaraǵandy turǵyndary úshin uıymdastyrylatyn memlekettik jáne aǵylshyn tilderin oqytý jobasy.
Basqarma málimetterine súıensek, MJÁ boıynsha Qaraǵandyda, Shet jáne Buqar Jyraý aýdandarynda balabaqshalar, Saran, Temirtaý, Jezqazǵan qalalary men Jańaarqa aýdanynda gemodıalız jáne ońaltý ortalyqtaryn ashý josparlanýda. Qaraǵandyda jeke ınvestıtsııa esebinen 300 tósek ornyna eseptelgen oblystyq kópsalaly aýrýhana salynady.
