Qaraǵandy oblysynda hokkeı ardagerleri joldastyq kezdesý ótkizdi
QARAǴANDY. QazAqparat – Qaraǵandy oblysy Nura aýdanynda «Saryarqa» hokkeı komandasynyń ardagerleri men jergilikti «Arlan» áýesqoılar toby joldastyq matchta kezdesti. Kezdesý 9:8 esebimen qonaqtardyń jeńisimen aıaqtaldy, dep habarlaıdy QazAqparat.
Joldastyq match Nura kentindegi hokkeı kortynda ótti. Kezdesýdiń alǵashqy mınýttarynan bastap komandalar arasynda tartysty kúres bastaldy.
Oıynshylar berilgisi kelmedi. Oıyn barysynda komandalar kezek-kezek shaıba júrgizip, negizgi ýaqyt 7:7 esebimen aıaqtaldy.
Biraq qosymsha mınýttarda «Saryarqa» komandasynyń oıynshylary artyqshylyqqa ıe bolyp, match qonaqtardyń basymdyǵymen 9:8 esebimen aıaqtaldy.
«Match tamasha ótti. Bizdiń komandanyń kapıtany ákim Aıan Shalmaǵambetov boldy. Biz «Saryarqa» komandasymen kezdesip, úlken tájirıbe jınadyq. Olarǵa oıyn úshin alǵys aıtqym keledi. Nura aýdanynda qysqy sport túrlerine jaǵdaı jasalyp jatqany qýantady. Mysaly, bizdiń komanda hokkeı formasyn satyp aldy. Endi biz tolyq jasaqtalyp, jarystarda aýdan namysyn qorǵaýǵa daıynbyz», - dedi «Arlan» komandasynyń múshesi Evgenıı Shevchenko.
Joldastyq match sońynda komanda oıynshylary qol alysyp, estelik syılyqtarmen almasty.
