Qaraǵandy oblysynda «Halyqtyq ІRO» baǵdarlamasy boıynsha «QazTransOıl» aktsııalaryn satyp alýǵa 45 mln. teńgege tapsyrystar alyndy
QARAǴANDY. 16 qarasha. QazAqparat - Qaraǵandy oblysynda 10 kúnniń ishinde «Halyqtyq ІRO» baǵdarlamasynyń pıoneri «QazTransOıl» aktsııalaryn satyp alýǵa 45 mln. teńgege klıenttik tapsyrystar alyndy.
Bul týraly «Qazposhta» AQ-nyń oblystyq fılıalynan habarlady.
«6 qarashadan bastap «Qazposhta» AQ Qaraǵandy fılıalynyń poshtalyq baılanys bólimshelerinde «QazTransOıl» ulttyq kompanııasynyń aktsııalaryn satyp alýǵa ótinimder qabyldanýda. Investıtsııalyq jobanyń bastalýynyń birinshi kúninen beri turǵyndardyń belsendiligi baıqalýda. 10 kúnniń ishinde, 15 qarasha kúni Qaraǵandy oblysynda 361 brokerlik shot ashyldy, 45 mln. teńgege klıenttik tapsyrystar alyndy», - dedi «Qazposhta» AQ Qaraǵandy fılıalynyń transfer-agenttik sektorynyń mamany Aınur Tájibaeva.
Onyń aıtýynsha, aımaqtaǵy «Qazposhta» AQ-nyń 114 bólimshesinde jeke operatsııalyq zaldar men ótinimderdi qabyldaıtyn terezeler quryldy. Qaraǵandy boıynsha ǵana 18 bólimshe isteýde.
Qaraǵandy qalalyq poshtalyq baılanys torabynan habarlaǵandaı, munda aktsııalardyń eki iri satyp alynýy resimdeldi - 1000 jáne 3000 danadan, sáıkesinshe 725 myń teńgege jáne 2 mln. 175 myń teńgege.
Oblysta «QazTransOıl» AQ basshylyǵynyń bolýy múmkin ınvestorlarmen birqatar kezdesýleri ótti. Kompanııanyń ókilderi «Halyqtyq ІRO» pıoneriniń ınvestıtsııalyq tartymdylyǵyn kórsetetin tusaýkeserlerdi ótkizip, baǵdarlamaǵa qatysý talaptary týraly aıtyp berdi.
Buryn habarlanǵandaı, «QazTransOıl» AQ «Halyqtyq ІRO» baǵdarlamasynyń aıasynda 40 mıllıonǵa jýyq aktsııany ornalastyrdy. Kólemi kompanııanyń mınýs bir aktsııasyndaǵy 10 paıyzǵa teń.
QR Úkimetiniń qaýlysyna sáıkes, «QazTransOıl» AQ-nyń bir qarapaıym aktsııanyń baǵasy baǵaly qaǵazdardyń uıymdastyrylǵan naryǵyna bastapqy ornalastyrýdyń barysynda 725 teńgeni quraıdy.
6 qarashada bastalǵan aktsııalarǵa jazylý 5 jeltoqsanǵa deıin jalǵasady. Aktsııalardy satyp alý ótinimderin Qazaqstan Respýblıkasynyń azamattary men QR zańnamasyna sáıkes qurylǵan zeınetaqy qorlary bere alady. Bul rette negizgi basymdyq bólsheksaýda ınvestorlaryna berildi. Shekteý de bar - aktsııalardy 7 mln. teńge somasyna deıin satyp alýǵa bolady.
