Qaraǵandy oblysynda Halyqaralyq murajaılar festıvali bastaldy
QARAǴANDY. QazAqparat - Búgin Jezqazǵanda «Uly Dala murasy» halyqaralyq murajaılar festıvali bastaldy. Oǵan álemniń birneshe elinen keletin 18 murajaıdyń qyzmetkerleri qatysady. Dáriskerler men qonaqtar retinde Qytaı, Túrkııa, Reseı, Ózbekstan jáne Mońǵolııadan kelgen delegattar keldi, dep habarlaıdy QazAqparat tilshisi.
Іs-shara «Rýhanı jańǵyrý» baǵdarlamasy jáne Qazaqstan Respýblıkasynyń Tuńǵysh Prezıdenti N.Á. Nazarbaevtyń «Qoǵamdyq sanany jańǵyrtý» baǵdarlamalyq maqalasyn, sondaı-aq «Uly dalanyń jeti qyry» atty maqalasyn júzege asyrý aıasynda uıymdastyrylyp otyr.
Festıval 11-13 maýsym aralyǵynda ótedi. Birinshi kúni " Tarıhta óz esimińdi qaldyr" aktsııasy ótti.
Festıval aıasynda Jezqazǵan tarıhı-arheologııalyq murajaıy, Túrik Respýblıkasynyń Ankara ýnıversıteti men Astrahan mýzeı-qoryǵy arasynda yntymaqtastyq týraly úshjaqty memorandýmǵa qol qoıyldy.
Baǵdarlamada qoldanbaly óner boıynsha sheberlik-synyptar ótkizý de qarastyrylǵan. Oǵan murajaılardyń sýretshi-restavratorlary, qysh isiniń sheberleri qatysty.
Sharany uıymdastyrýshylar «Uly Dala murasy» ekspozıtsııasyn usyndy. Eń qyzyqty jádigerlerdiń biri «Altyn adamnyń» dál kóshirmesi boldy. Sondaı-aq, kórmede Qazaqstannyń 60-tan astam biregeı jádigeri jınalǵan.
Sonymen qatar kópshilik nazaryna ártúrli elderdiń murajaılarynan jetkizilgen sırek kezdesetin jádigerler usynyldy. Qytaı delegatsııasy Qaraǵandy oblysynyń muraǵattar jáne qujattama basqarmasynyń qaramaǵyna 18 ǵasyrdaǵy Qytaı men Qazaqstan arasyndaǵy jibek saýdasy týraly qujattyń kóshirmesin berdi. Mońǵol delegatsııasy qazaq dıasporasynyń Mońǵolııa aýmaǵyna qalaı qonys aýdarǵany týraly qujattyń kóshirmesin syıǵa tartty. Ózbek delegatsııasy atynan qaraǵandylyqtar 19-20 ǵasyrlardaǵy qazaq halqynyń tarıhyna qatysty qujattar men fotosýretterdiń kóshirmesin syılyqqa aldy.
12 maýsym kúni festıval qatysýshylary úshin murajaı qyzmetkerlerine arnalǵan «Murajaı qyzmetin jahandyq jańǵyrtý - ýaqyt qajettiligi» taqyrybynda semınar-trenıng ótedi. Dáriskerler Ankara ýnıversıtetiniń professory Aısha Chakır Ilhan, joǵary sanatty ekskýrsovod-ádisker, Qazaq sport jáne týrızm akademııasynyń týrızm sarapshysy, ıÝNESKO ulttyq komıssııasynyń múshesi Baqyt Orazymbetova, tarıh ǵylymdarynyń kandıdaty, Ál-Farabı atyndaǵy QazUÝ arheologııa, etnologııa jáne mýzeologııa kafedrasynyń dotsenti, professor Táttigúl Qartaeva jáne basqa da tanymal tulǵalar boldy.
Festıvaldiń qorytyndy kúninde, 13 maýsymda qatysýshylar úshin Ulytaý jerine saıahat uıymdastyrylady.
