Qaraǵandy oblysynda gaz ballony jarylysynan kúıik shalǵan qyz kóz jumdy
ASTANA. QazAqparat - Qaraǵandy oblysynyń Soltústik-Batys kentinde gaz ballony jarylyp, kúıik shalǵan Anna Shılına 1 naýryz kúni kóz jumdy, dep habarlaıdy «QazAqparat» HAA tilshisi.
«Qyz aýrýhanaǵa aýyr halde jetkizildi. Denesiniń kóp bóligin kúıik shalǵan edi. Dárigerler qoldan kelgenniń bárin jasady, qyzdyń ómirin saqtap qalý úshin sońyna deıin kúresti. Ókinishke qaraı, qyz qaıtys boldy», - deıdi Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Onyń sózine qaraǵanda, jansaqtaý bóliminde Anna Shılına esin jıǵan.
Eske sala keteıik, 19 aqpanda 17:00-de Soltústik-Batys kentindegi turǵyn úıde gaz ballony jarylǵan bolatyn. Sonyń saldarynan denesin kúıik shalǵan jigit pen qyz aýrýhanaǵa jetkizilgen, keıinnen Danııl Efremov sonda kóz jumǵan edi.
