Qaraǵandy oblysynda etnomádenı birlestikterge 700 myń teńgeden grant berildi

ASTANA. QazAqparat - Qaraǵandy oblysynyń ákimi Erlan Qoshanov Qazaqstan halqynyń birligi kúni qarsańynda etnomádenı birlestikterdiń basshylarymen, Qazaqstan halqy Assambleıasynyń múshelerimen kezdesti. Dostyq úıinde elimizdi rýhanı jańǵyrtý, birlik pen ultaralyq kelisim týraly sóz qozǵaldy, dep habarlaıdy ákimdiktiń baspasóz qyzmeti.

«2017 jyldy júıeli modernızatsııa jyly dep ataýǵa bolady. Aldymen Prezıdent ekonomıkalyq jańǵyrý týraly jarııalasa, keıinnen saıası jańǵyrý bastaldy. Bul ózgerister rýhanı jańǵyrýmen aıaqtalady. Búginde biz biregeı - kóp ultty, kóp mádenıetti qazaqstandyq qoǵamnyń evolıýtsııasy týraly sóz qozǵaımyz. Tynyshsyz ýaqytta biz, qazaqstandyqtar, jerimizde beıbitshilik pen kelisimdi saqtaı aldyq», - dedi Erlan Qoshanov.

«Qazaqstan halqy Assambleıasy etnıkalyq máselelerdi sheshýmen ǵana aınalyspaıdy, - dep atap ótti aımaq basshysy. - Búginde qoǵamdyq ınstıtýt qaıyrymdylyq, medıatsııa jáne qoǵamdyq baqylaý máselelerin sheshýge atsalysady».

 «Etnomádenı birlestikterdiń kóshbasshylarynyń, sarapshy qoǵamnyń aldynda úlken mindet tur - jahandyq ıdeologııalyq básekelestik jaǵdaıynda tıimdi bolatyn jumystyń tásilderi men ádisterin tabý. Jastarǵa qandaı qaýip tónip turǵanyn bilemiz ǵoı. Jańa aqparattyq tehnologııalardy qoldana otyryp, qoǵamdy adastyrý áreketteri oryn alýda. Bul elimizdiń turaqtylyǵyna qaýip tóndirýde», - dep atap ótti oblystyq QHA ǵylymı-sarapshy tobynyń basshysy Vılen Molotov-Lýchanskıı.

Temirtaýlyq Dmıtrıı Zaharov kenshiler atynan sóz sóıledi. «Temirtaýdyń árbir turǵyny sekildi Elbasynyń jas kezinde bizdiń qalada eńbek etkenin maqtan etemin. Bul bizdiń qanymyzda bar. Bizdiń ujymymyz kóp ultty, kóp daýysty. Bizdiń kombınatta dostyqtyń negizin Elbasynyń ózi qalyptastyrdy! Bizdiń mindetimiz - osy markany ustap qalý», - dedi ol.

2017 jylǵy Ýnıversıadanyń qola júldegeri qaraǵandylyq sportshy Ekaterına Aıdova óz sezimin jetkizdi. «Men tuǵyrda turǵanda bizdiń Tý kóterilip, Ánuran oınaǵan kezde, meniń boıymdy óz elim úshin maqtanysh sezimi bıledi. Jerlesterimniń, barsha qazaqstandyqtardyń meni qoldaǵanyn bilemin. Júregim sezdi! Sonda uly jáne qýatty memlekettiń azamaty ekenimdi qatty sezindim. Bul keremet shaq», - dedi sportshy.

Kezdesý barysynda Jezqazǵannan, Balqashtan jáne Osakarov aýdanynan mýzykalyq sálemdemeler tikeleı efırde jetkizildi.

Shara sońynda oblys ákimi aımaqtyń etnomádenı birlestikterine 700 myń teńge mólsherinde syıaqy tabystady.

Erlan Qoshanov «Týǵan jer» jobasy boıynsha óz usynystaryn jetkizdi.

«Bizdiń kóptegen aýyldarda jaqsy dástúr qalyptasqan - mektep túlekteri qaıda júrse de, 10, 20, 30 jyldan keıin mindetti túrde jınalady, mereke uıymdastyrady, ózderiniń týǵan jerlerine syı jasaıdy. Osy dástúrdi jalpyhalyqtyq dástúrge aınaldyraıyq», - dedi aımaq basshysy.

Burynǵy qaraǵandylyqtar degen bolmaıdy, dedi ol. Oblys ákimi jerles artısterdiń qatysýymen úlken gala-kontsert uıymdastyrýdy usyndy.

Kezdesý sońynda oblystyq QHA músheleri turǵyndardan Memleket basshysy alǵa qoıǵan rýhanı jańǵyrý boıynsha mindetterdi iske asyrýǵa barlyq kúshjigerlerin salýǵa shaqyratyn úndeý qabyldady.