Qaraǵandy oblysynda erigen qar sýy úsh joldy basyp qaldy
QARAǴANDY. QazAqparat – Ótken táýlikte Qaraǵandy oblysynyń aýmaǵynda qardyń qarqyndy erýine baılanysty joldardyń úsh ýchaskesin sý basty. Degenmen kólikterdiń qozǵalysy toqtamady. Eldi mekenderge eshqandaı qaýip joq, dep habarlaıdy QazAqparat tilshisi.
Tasqyn sý Osakarov aýdanynda, Molodejnyı kentinen 7 km jerde, Qyzylorda - Pavlodar tas jolynyń 1058-shi shaqyrymynda boldy;
Osakarovka - Molodejnyı tas jolynyń 8-shi shaqyrymynda; Nura aýdanynda Nursultan - Qabanbaı batyr - Nura - Temirtaý jolynyń 148- 149-shy shaqyrymynda. Munda eskertý belgileri ornatylyp, jol qyzmeti, jergilikti polıtsııa qyzmeti jáne TJD bólimsheleriniń kezekshiligi uıymdastyryldy.
Avtomagıstraldarǵa ornatylǵan sý ótkizgishter tasqyn sýlardyń kedergisiz ótýine múmkindik beredi.
«Qaraǵandy oblysynda sý tasqyny jaǵdaıy turaqty jáne sý tasqynyna qarsy oblystyq jedel shtabtyń qatań baqylaýynda», - dep málimdedi Qaraǵandy oblysy TJD baspasóz qyzmetinde.
Ótken jyly 74 jol ýchaskesinde sý ótkizý qabiletin arttyrý boıynsha jumystar júrgizildi. Naýryzda Osakarov aýdanyndaǵy Sabyrqoja, Abaı aýdanyndaǵy Nura jáne Qarqaraly aýdanyndaǵy Qarasor kólderinde muz jarý jumystary júrgizildi. Aqtoǵaı jáne Buqar jyraý oblystaryndaǵy Aqtas jáne Nura ózenderinde burǵylaý jáne muz kesý jumystary aıaqtaldy.
