Qaraǵandy oblysynda erekshe qajettilikteri bar balalardyń múmkindikteri keńeıtilýde
Qaraǵandy oblysynda erekshe qajettilikteri bar balalarǵa bilim berýdiń qoljetimdiligin qamtamasyz etýge basa nazar aýdarylady. Sońǵy ýaqytta arnaıy uıymdar jelisi bes birlikke ulǵaıtyldy: óńirde aýtızmi bar balalarǵa arnalǵan alǵashqy ortalyq, Shahtınsk qalasynda PMPK, Qaraǵandyda ınklıýzııany qoldaıtyn úsh kabınet ashyldy. Jazda túzetý kabıneti Saranda da jumys isteı bastaıdy.
2025 jylǵa deıin Qaraǵandy oblysynda 22 jańa mektep salý josparlanýda.
«22 mekteptiń 18-i»Jaıly mektep«ulttyq jobasy aıasynda jáne tórteýi oblystyq bıýdjet esebinen salynady, onyń ishinde eki mektep – 200 oryndyq Qarqaraly aýdanynyń Taldy aýylyndaǵy apatty mekteptiń ornyna jáne 150 oryndyq Buqar jyraý aýdanynyń Novostroıka aýylynda salynady. Bıyl 13 bilim berý nysany kúrdeli jóndeýden ótedi. Sonymen qatar, Qaraǵandyda bıyl úshinshi Oqýshylar saraıynyń qurylysy bastaldy», – deıdi Ermaǵanbet Bólekpaev.
Búgingi tańda mektepterde 1-4 synyp oqýshylary, al balabaqshalarda «áleýmettik osal» sanatyndaǵy balalar tegin ystyq tamaqpen qamtamasyz etildi. Lızıngtik qarjylandyrý esebinen mektep avtoparki eki ese ulǵaıtyldy.
