Qaraǵandy oblysynda er adam taıyp jyǵylyp, mert boldy
ASTANA. QazAqparat - Qaraǵandy oblysynyń Aqtas aýylynda er adam kóktaıǵaqta taıyp jyǵylyp, mert boldy, dep habarlaıdy QazAqparat oblystyq densaýlyq saqtaý basqarmasyna silteme jasap.
Er azamattyń taıyp qulap, es-tússiz jatqandyǵy jóninde jedel járdem qyzmetine oqıǵa bolǵan jerde ornalasqan dúkenniń satýshysy habarlaǵan.
«Medıtsınalyq kómek qajettigi jóninde shaqyrtý tańǵy saǵat 08-08-de kelip tústi. Saǵat 08-25-te Saran qalasynyń jedel járdem brıgadasy oqıǵa ornyna jetti. Kele salysymen dárigerler qulaǵan adamnyń mert bolǵanyn anyqtady. Ol dárgerler kelgenshe jantásilim etken»,- dep habarlady basqarma ókilderi.
Vedomstvo qyzmetkerleri er adamnyń jasy 50-den asqandyǵyn aıtty. Onyń ne sebepten qaıtys bolǵandyǵyn sot-medıtsınalyq saraptamasy anyqtaıtyn bolady.
