Qaraǵandy oblysynda energııa únemdeý baǵytynda jobalar júzege asyrylýda
ASTANA. QazAqparat - Qaraǵandy oblysynyń ákimdigi men Elektrenergetıka jáne energııa únemdeýdi damytý ınstıtýty ózara seriktestik jaıly memorandýmǵa qol qoıdy. Bul týraly óńirlik ákimdiktiń baspasóz qyzmeti habarlaıdy.
Oblys ortalyǵynda «Ónerkásiptegi energotıimdi salaaralyq tehnologııalar» taqyrybynda semınar ótti. Shara QR Indýstrııalandyrý kúnine oraılastyryldy. Semınardy «Elektrenergetıkasyn jáne energııa únemdeýdi damytý ınstıtýty» AQ Nemis energetıka agenttigimen seriktese otyryp uıymdastyrdy.
Semınarǵa bıznesmender, memlekettik qyzmetkerler jáne sarapshylar qatysty. Qatysýshylar qýat únemdeý salasyndaǵy mindetter men máselelerdi talqylap, sonymen qatar is júzindegi problemalardy ortaǵa saldy. Nemis ónerkásipterinde paıdalanylatyn energotıimdilikti joǵarylatý tehnologııalary týraly sarapshy Lına Ýjshılaıtıte-Shýlte aıtyp berdi.
Taqyryptyń ózektiligin oblys ákiminiń orynbasary Almas Aıdarov atap ótti.
- Qaraǵandy oblysy eń energııa syıymdy aımaqtardyń biri bolyp tabylady. Túrli ınstıtýttarmen birge biz energııa únemdeý baǵytynda jumystar atqaryp jatyrmyz. Memlekettik-jekemenshik seriktestik baǵyty boıynsha birqatar bastamalar men jobalar júzege asyrylyp jatyr,- dedi ol. - Jańalyqtardy paıdalaný - kúrdeli másele. Injenerııany sáıkestendirý qajet. Zańnamalyq bazamen baılanysty da keıbir problemalar bar.
Uıymdastyrýshylardyń pikirinshe Qaraǵandy oblysynda enegotıimdi jobalar alǵashqy jemisterin berip jatyr. Elektrenergetıkasy jáne energııa únemdeýdi damytý ınstıtýty aımaqqa osy baǵytta jumystardy damytýǵa kómektesýge daıyn ekenderin jetkizdi - semınarda seriktestik týraly memorandýmǵa qol qoıyldy.
