Qaraǵandy oblysynda ekzotıkalyq jemis ósiretin jylyjaı bar
QARAǴANDY. QazAqparat - Qaraǵandy oblysynyń Abaı aýdanyndaǵy «Topar jylyjaılary» tek óziniń qııar jáne qyzanaqtarymen ǵana emes, sonymen birge ekzotıkalyq jemisterimen de tanymal, dep habarlaıdy QazAqparat.
Oboys ákimdigi saıtynyń málimetinshe, munda 440 túp lımon aǵashy men oranjereıa bar, onda jylý súıetin túrli ósimdikter ósedi.
Jylyjaıda lımonnyń eki túri ósiriledi: «ıÝbıleınyı» jáne «Meıra». Lımonarııdiń negizi 2000 jyly qalandy. Ol kezde Óskemen, Máskeý jáne Ózbekstannan kóshetter jetkizilgen. Úsh jyldan soń alǵashqy ónimder jınaldy.
Búgingi tańda árbir lımon aǵashynan 100 kelige deıin jemis jınalady. Bir jylda 40 tonna ónim jınalady. Jańa ǵana úzilgen tsıtrýstar birden Qaraǵandy men Astananyń saýda sórelerine jetkiziledi.
Jergilikti lımondardy jańa jyl qarsańynda satyp alýǵa bolady. Aǵashtar qyrkúıekten qańtarǵa deıin ónim beredi. Sonan soń kóktemge deıin demalady.
Jylyjaıda lımondar blogy basshysynyń jetekshiligimen eki adam jumys isteıdi: aǵashtardy ózderi baptap, saty qoıyp jemisterdi qolmen jınaıdy. 
«Eń bastysy - óz isińdi jaqsy kórý. Aǵashtar adam sekildi, kútimdi sezinedi. Jaıly klımat jasaý qajet: temperatýra, tyńaıtqyshtar. Onsyz eshqandaı ónim jınaı almaısyń», - deıdi «Topar jylyjaılary» JShS dırektory Sultan Mursálimov.
Jylyjaı kesheniniń oranjereıasyna kúzdiń sońy jáne qystyń basynda kelgen jaqsy. Qar men aıazdan soń birden gúlder men jemis aǵashtaryna toly jumaqqa túskendeı bolasyń. Bul ekzotıka - rýhanı lázzat alý úshin qajet. 
Munda mandarınder, apelsınder, greıpfrýttar, anar, papaıa ósiriledi. Sondaı-aq kofe jáne záıtún aǵashtary da bar. Osy kóktemde kıvı otyrǵyzyldy. Bıylǵy jyly gýava, qurma, injirdiń ónimdiligi joǵary boldy. 
