Qaraǵandy oblysynda EKU-dan ótken juptar sany úsh ese artty
Olardy tóleýge medıtsınalyq saqtandyrý qory 24,8 mln teńge baǵyttady, ótken jyldyń uqsas kezeńinde EKU jeti áıelge jasalyp, 6,418 mln teńge jumsady.
Tańdalǵan hattama men tehnologııaǵa baılanysty bir rásimniń quny 950 myńnan 1,1 mln teńgege deıin jetedi.
Ótken jyly Qaraǵandy oblysyna EKU-ǵa 532 kvota bólindi, onyń ishinde 107-si óńirdegi jalǵyz «Aqjan» ekstrakorporaldyq uryqtandyrý klınıkasynda jasaldy. Medıtsınalyq saqtandyrý qory osy kómekti tóleýge 99,6 mln teńge jumsady. EKU-nyń 107 rásiminiń 47-si (43,9%) aıaqtaldy – bul álemdik standarttar deńgeıindegi jaqsy kórsetkish. EKU protsedýrasynyń kórsetkishteri negizinen bedeýlik boldy: 50 naýqasta – áıelder faktory boıynsha, 57-de – erler faktory boıynsha.
«Elimizdiń toǵyz óńirinen 19 medıtsınalyq uıym Qazaqstanda EKU qyzmetterin jetkizýshiler bolyp tabylady, olardyń biri Qaraǵandy oblysynda. Naýqastar ómir súrý aımaǵyna qaramastan, uryqtandyrý klınıkasyn ózderi tańdaı alady. EKU qyzmetterin kórsetetin jetkizýshilerdiń tizimimen Qordyń fms.kz resmı saıtynda, «patsıent úshin» bóliminde, odan ári «emhanany tańdaý» degen bólimdi basyp, tanysýǵa bolady», – dedi medıtsınalyq saqtandyrý qorynyń Qaraǵandy fılıalynyń dırektory Fazyl Kopobaev.
Esterińizge sala keteıik, ekstrakorporaldyq uryqtandyrý rásimi buryn tegin medıtsınalyq kómektiń kepildik berilgen kólemi sheńberinde júrgizilgen bolatyn. Alaıda, qarjylandyrý mardymsyz boldy, Qazaqstanda jylyna shamamen 900-1000 kvota bólindi. 2021 jyldan bastap «Ańsaǵan sábı» baǵdarlamasy júzege asyrylýda. Bul kvota sanyn jeti esege – jylyna 7 myńǵa deıin arttyrýǵa múmkindik berdi. Protsedýra MÁMS tizbesine kiredi, sondyqtan saqtandyrylǵan patsıentter ony tegin óte alady.