Qaraǵandy oblysynda ekonomıkalyq sottyń sheshimimen aýyl ákimdiginiń ǵımaratyn paıdalaný toqtatyldy

Bul týraly Qaraǵandy oblysy ekonomıkalyq mamandandyrylǵan aýdanaralyq sottyń baspasóz hatshysy, sýdıa Indıra Qospaeva málim etti.

«Tótenshe jaǵdaı boıynsha basqarmanyń shaǵym-talaby qanaǵattandyryldy. Balyqtykól aýylynyń ákimdik ǵımaratyn paıdalaný toqtatyldy, ol órt qaýipsizdik erejesiniń talaptaryna saı emes. Jaýapker sot otyrysyna kelmedi, sondyqtan da sot onyń syrtynan osyndaı sheshim shyǵardy», - dedi I. Qospaeva.

Aýyl ákimdiginiń mekemesinde «Qazposhta» AQ men «Qazaqtelekom» qurylymdary bar.

«Syrttan shyǵarǵan sheshim zańdy kúshine engen joq. Talaptar shaǵym túsirýge tolyq quqyly», - dedi sottyń baspasóz hatshysy.