Qaraǵandy oblysynda eki jańa gemodıalız ortalyǵy ashyldy
QARAǴANDY. QazAqparat - Qaraǵandy oblysynda eki jańa gemodıalız ortalyǵy ashyldy, dep habarlaıdy QazAqparat DSM baspasóz qyzmetine silteme jasap.
«Buryn sozylmaly búırek jetkiliksizdigimen aýyratyn naýqastar emdelý úshin kóp ýaqytty, kúsh pen resýrstardy jumsaýǵa májbúr bolatyn. Olarǵa buǵan deıin Qaraǵandy qalasynda qyzmet kórsetilip kelgen. Alaıda, bul másele is júzinde sheshimin tapty. Búginde Qaraǵandy oblysynyń Topar jáne Osakarovka eldi mekenderindegi oblystyq aýrýhanalardyń bazasynda eki jańa gemodıalız ortalyǵy iske qosyldy», delingen habarlamada.
Jobalar memlekettik-jekeshelik seriktestik arqyly júzege asyryldy. Tıisinshe, patsıentter protsedýrany jaqyn mańdaǵy ortalyqtan alady.
Aıta ketý kerek, Abaı aýdanynda sozylmaly búırek jetkiliksizdigimen 20 naýqas tirkelgen. Al ortalyq kúnine 15 adamdy qabyldaı alady.
Osakarov aýdanynda osy dertpen aýratyn 10 adam tirkelgen, al ortalyq bir aýysymda 30 kelýshige qyzmet kórsete alady.
Osyndaı medıtsınalyq ortalyqtar qazirdiń ózinde oblystyń basqa aımaqtarynda jumys isteıdi. Buǵan deıin olar Jańaarqa óńirinde jáne Saran jáne Sátbaev qalalarynda ashylǵan bolatyn. Jaqyn arada ortalyq Qarqaralyda ashylady.
Oblysta barlyǵy 13 gemodıalız ortalyǵy jumys isteıdi.
