Qaraǵandy oblysynda eki jańa ákimshilik sot jumysyn bastady
QARAǴANDY. QazAqparat – 1 shildeden bastap Qaraǵandy men Jezqazǵanda ákimshilik ádilet isterimen aınalysatyn mamandandyrylǵan aýdanaralyq ákimshilik sottar jumys isteı bastady. Olar ákimshilik quqyq buzýshylyqqa qatysty ister boıynsha sottardan bólek jumys atqaratyn bolady, dep habarlaıdy QazAqparat tilshisi.
Sot Qaraǵandyda Erýbaev, 30a, Jezqazǵanda Taradaı kóshesi, 4 meken-jaılary boıynsha ornalasqan.
Qaraǵandynyń qazirgi Mamandandyrylǵan ákimshilik soty Qaraǵandy qalasynyń Ákimshilik quqyq buzýshylyqtar jónindegi mamandandyrylǵan aýdanaralyq soty bolyp ataýyn ózgertti. Ákimshilik quqyq buzýshylyq týraly ister osy sottyń qaraýynda qalady.
Esterińizge sala keteıik, 1 shildeden bastap Qazaqstanda Ákimshilik rásimdik-protsessýaldyq kodeks jumys isteı bastady. Ol azamattardyń bılik organdarymen daýlaryn qaraý kezinde olardyń quqyqtaryn sapaly qorǵaýǵa baǵyttalǵan. Kodekstiń qoldanysqa engizilýine baılanysty elimizde «Ákimshilik quqyq buzýshylyq týraly», «Jeke jáne zańdy tulǵalardyń ótinishterin qaraý tártibi týraly» zańdar kúshin joıady jáne 21 ákimshilik sot qurylady.
