Qaraǵandy oblysynda eki sábı men er adamnan koronavırýs anyqtaldy
QARAǴANDY. QazAqparat – Qaraǵandy oblysynda koronavırýs ınfektsııasy anyqtalǵan úsh naýqas Nur-Sultan qalasynyń turǵyndary, dep habarlaıdy QazAqparat Memlekettik komıssııanyń shuǵyl shtabyna silteme jasap.
29 sáýir, caǵat 17:35-tegi málimet boıynsha, elimizde indetti juqtyrǵan taǵy 27 adam tirkelgen bolatyn. Onyń ishinde 3 adam – Qaraǵandy oblysynda anyqtaldy.
«Vırýsty juqtyrǵandar 30 jastaǵy er adam, 10 aılyq jáne 3 jasar ul balalar. Olar Nur-Sultan qalasynyń turǵyndary. Buǵan deıin koronavırýsty juqtyrǵan naýqaspen baılanysta bolǵandyqtan, karantınge jatqyzylǵan», - delingen aqparatta.
Sońǵy derekterge sáıkes, Qaraǵandy oblysynda COVID-19-dy juqtyrǵandardyń jalpy sany 142 adamdy quraıdy. Bir naýqas qaıtys boldy, 57-si jazylyp shyqty.
