Qaraǵandy oblysynda eki oblystyq gazet «Saryarqa aqparat» medıaholdıngine biriktirildi
QARAǴANDY. QazAqparat – Qaraǵandy oblysynda eki oblystyq gazet «Saryarqa aqparat» biryńǵaı medıaholdıngine biriktirildi, dep habarlaıdy QazAqparat.
Qaraǵandy ákiminiń baspasóz qyzmetiniń málimetterine qaraǵanda, «Ortalyq Qazaqstan» jáne «Indýstrıalnaıa Karaganda» gazetterin jańǵyrtý maqsatynda Qaraǵandy oblysy ákimdiginiń qaýlysymen eki oblystyq baspa basylymyn biryńǵaı medıa-holdıng – «Saryarqa aqparat» JShS-ne biriktirý týraly sheshim qabyldandy.
Medıaholdıngtiń quramyna Taldaý jáne boljaý ortalyǵy men «Rýhanı jańǵyrý» jobalyq keńsesi kiredi.
Bir JShS biriktirý týraly sheshimdi qos basylymnyń redaktsııasy túsinistikpen jyly qabyldady.
Gazetterdi biryńǵaı medıaholdıngke biriktirý zaman talabyna saı iske asyrylyp otyrǵan shara. Eki gazet te burynǵy ataýlarymen jumys isteıtin bolady.
Búgin oblys ákiminiń orynbasary Abzal Núkenov «Saryarqa aqparat» JShS-niń jańa basshysy Qambar Ahmetovty tanystyrdy.
Qambar Jumaǵalıuly Ahmetov 1978 jyly Qaraǵandy oblysynyń Aqtoǵaı aýdanynda dúnıege kelgen. E.Bóketov atyndaǵy Qaraǵandy memlekettik ýnıversıtetiniń túlegi.
Jýrnalıstıka salasyndaǵy óz qyzmetin qalalyq «Balqash óńiri» gazetinde bastady.
2004 jyldan 2006 jylǵa deıin oblystyq «Ortalyq Qazaqstan» gazetiniń tilshisi boldy. Keıin oblystyq «Balqantaý» gazetinde jumys istedi.
2005-2008 jyldary Qaraǵandy oblysynyń atynan «Qazaqstan baspasóz klýbynda» jumys atqardy.
2007 jyldan bastap 2014 jylǵa deıin respýblıkalyq «Aıqyn» gazetiniń tilshisi bolyp jumys istedi.
«Baq.kz» aqparattyq agenttiginiń, «Qazaqstan» RTRK» AQ ınternet-jobalar bóliminiń, «Nur Otan» partııasyna qarasty «Elektrondyq partııa» medıa redaktsııasy ınternet-resýrsynyń basshysy bolyp qyzmet etti.
2016 jyly Qazaqstan Respýblıkasynyń Aqparat jáne kommýnıkatsııalar mınıstriniń keńesshisi, 2018 jyly «Egemen Qazaqstan» gazetiniń bas redaktorynyń orynbasary qyzmetterin atqarǵan.
QR Prezıdentiniń Alǵys hatymen, QR Aqparat jáne kommýnıkatsııa mınıstrliginiń «Aqparat salasynyń úzdigi» medalimen marapattalǵan.
Osyǵan deıin Qambar Ahmetovtyń «Saryarqa aqparat» medıaholdınginiń dırektory qyzmetine taǵaıyndalǵanyn jazǵan bolatynbyz.
