Qaraǵandy oblysynda eki mas júrgizýshi 15 táýlikke qamaýǵa alyndy
QARAǴANDY. QazAqparat – Qaraǵandy oblysynda eki mas júrgizýshi kýáliginen aıyrylyp, ákimshilik qamaýǵa alyndy, dep habarlaıdy QazAqparat tilshisi.
Atalǵan faktiler Qaraǵandy oblysy Buqar jyraý aýdanyndaǵy Ǵ.Mustafın atyndaǵy kenttegi polıtsııa bóliminde tirkelgen.
«24 jastaǵy jigit mas kúıde Reısler markaly mototsıklmen jol shetindegi shuńǵyrǵa (kıývet) túsip ketken. 34 jastaǵy er adam «Moskvıch 2140» markaly kólikti júrgizip, joldan shyǵyp ketken. Kýálandyrý kezinde jol qozǵalysyn buzýshylardyń aýyr dárejedegi alkogoldik mas kúıinde bolǵany anyqtaldy. Eki derek boıynsha materıaldar jınalyp, sottyń qaraýyna jiberildi», - dep habarlady Qaraǵandy oblysy PD baspasóz qyzmeti.
Sot qaýlysyna sáıkes quqyq buzýshy ekeý QR ÁQBK 608-baby boıynsha kináli dep tanylyp, on bes táýlik merzimge ákimshilik qamaýǵa alý jáne jeti jyl merzimge kólik júrgizý quqyǵynan aıyrý túrinde ákimshilik jazaǵa tartyldy.
