Qaraǵandy oblysynda eki qysqy onlaın spartakıada ótip jatyr
Bul qalalar arasyndaǵy «Qarly qys – 2021» XXXI oblystyq qysqy aýyldyq spartakıadasy jáne «Aq qys – 2021» XVIII qysqy spartakıadasy. Jarys Qazaqstan Respýblıkasy Táýelsizdiginiń 30 jyldyǵyna arnalǵan, dep habarlaıdy QazAqparat tilshisi.
Olar úsh kezeńde ótkiziledi. Birinshi - ekinshi (qańtar-aqpan) - qalalyq jáne aýdandyq onlaın birinshilikter. Úshinshi kezeń (17-21 aqpan) - qalalar men aýdandardyń qurama komandalary arasyndaǵy oblystyq spartakıadalar (fınal).
Jarys baǵdarlamasyna sporttyń úsh túri kirdi. Olar: qysqy Prezıdenttik kópsaıys, shańǵy jarysy (estafeta) jáne konkımen jyldam júgirý.
Ár komanda 16 adamnan turady. Jas mólsheri - 18 jastan joǵary. Jarysqa oblystyń toǵyz aýdanynyń jáne barlyq qalalarynyń quramalary qatysady.
Esterińizge sala keteıik, «Qarly qysta» 2020 jyly Abaı aýdany, «Aq qysta» - Qaraǵandy jeńiske jetken bolatyn.