Qaraǵandy oblysynda eki kún ishinde 4 adam sýǵa batyp ketti
QARAǴANDY. QazAqparat – Oblystyń sý aıdyndarynda eki kún ishinde tórt adam sýǵa batyp ketti. Mundaı qaıǵyly statıstıka azamattardyń jabdyqtalmaǵan jerde shomylýǵa salynǵan tyıymdy elemeýinen boldy, dep habarlaıdy QazAqparat tilshisi.
3 shildede Qarqaraly qalasynan 4 shaqyrym jerde, úlken kólde, TJD kúshimen 18-40-ta sýǵa shomylýǵa jabdyqtalmaǵan jerde sýǵa batyp ketken 1998 jyly týǵan jas jigittiń denesi tabylyp, jaǵaǵa shyǵaryldy.
Búgin saǵat 17:48-de Osakarov aýdanynda Aqpan bógetinde qutqarýshylar 19 jasar jigittiń denesin jaǵalaýdan 6 metr qashyqtyqta 2 metr tereńdikten alyp shyqty. Ol 14:55-te jabdyqtalmaǵan jerde sýǵa batyp ketti.
Sonymen qatar, búgin saǵat 15:20-da 112 pýltine Qýshoqy kentinen 3 shaqyrym qashyqtyqtaǵy Buqar Jyraý aýdanynda, «Ertis-Qaraǵandy» arnasynda 15:00-de jergilikti turǵyndar 1994 j.t. er adamnyń máıitin taýyp alǵany týraly aqparat kelip tústi. Marqum belgisiz jaǵdaılarda 3 shilde kúni saǵat 18.00-de sýǵa batyp ketken. Qazirgi ýaqytta qaza bolý jaǵdaılary anyqtalýda, sot-medıtsınalyq saraptama taǵaıyndaldy.
4 shilde keshki 21:15-te Buqar Jyraý aýdanynyń Gagarın aýylynda Nura ózeninde Qaraǵandy oblysy TJD kúshimen shomylýǵa arnalmaǵan jerde sýǵa batyp ketken 1979 jyly týǵan er adamnyń denesi tabylyp, sýdan shyǵaryldy.
Sýdaǵy qaıǵyly oqıǵalardyń negizgi sebepteri jabdyqtalmaǵan jerlerde shomylý, mas kúıinde shomylý, sondaı-aq balalardy qaraýsyz qaldyrý bolyp tabylady.
Osyndaı oqıǵalardyń aldyn alý maqsatynda TJD qyzmetkerleri jergilikti atqarýshy organdarmen birlesip ózender, kólder mańyndaǵy, sondaı-aq iri sý qoımalary bar aýdandarda patrýldeý júrgizedi. Patrýldeý kezinde túsindirý jumystary júrgiziledi.
Demalýshylarǵa ákimshilik jáne qylmystyq zańnamany buzýǵa bolmaıtyny, sondaı-aq tyıym salynǵan jerlerde sýǵa shomylý qaýpi jáne sý aıdyndarynyń janynda demalý kezinde alkogoldik ishimdikterdi ishýge tyıym salynatyny týraly aqparat jetkiziledi.
Qoǵamdyq oryndarda, onyń ishinde jaǵajaılarda jáne sý aıdyndarynda mas kúıinde júrgen azamattar ákimshilik jaýapkershilikke tartylady.
Eki kún ishinde qutqarýshylar sý aıdyndarynda 100 reıd júrgizdi, qaýipsizdik sharalary týraly 411 jadynama taratty.
Qaraǵandy oblysynyń TJD azamattardan demalý kezinde sýǵa shomylý kezinde qyraǵylyq pen shamadan tys jaýapkershilik tanytýdy suraıdy.
Múmkindiginshe sýdaǵy tártip erejelerimen tanysý, jaqyn jerde qutqarýshylar men dárigerler beketi bar jabdyqtalǵan jerde shomylý kerek.
