Qaraǵandy oblysynda eki kólik órtendi
QARAǴANDY. QazAqparat – Qaraǵandy men Temirtaý qalalarynda júk jáne jeńil kólik otqa orandy. Eki jaǵdaıda da kólikterdegi symdardyń tuıyqtalýy sebep bolǵan, dep habarlaıdy QazAqparat tilshisi.
«4 qyrkúıek kúni saǵat 8: 57-de Temirtaý qalasynyń 8-shaǵynaýdanynda kóliktiń janýy týraly habarlama kelip tústi. Órt sóndirý bólimsheleri kelgende júk kóligi órtenip jatqan. Jalyn saǵat 09:36-da sóndirildi. Zardap shekkender joq. Órttiń shyǵý sebebi – motor bóligindegi qysqa tuıyqtalý», - dep habarlady Qaraǵandy oblysy TJD baspasóz qyzmeti.
Sondaı- aq, 3 qyrkúıekte Qaraǵandy qalasynda da tótenshe jaǵdaı oryn aldy. Saǵat 19: 11-de Shahterler dańǵyly mekenjaıy boıynsha kóliktiń janýy týraly habarlama kelip tústi. Jalyn ÝAZ avtokóligi qozǵaltqyshynyń janǵysh bólikteri men qaptamasyn sharpyǵan.
Órt saǵat 19:25-te sóndirildi. Eshkim zardap shekken joq.
