Qaraǵandy oblysynda eki bala kóp qabatty úıdiń terezesinen qulap ketti
QARAǴANDY. QazAqparat - Qaraǵandy oblysynda 2018 jyldyń basynan beri balalardyń terezeden qulaýynyń 13 faktisi tirkelgen. On bala aýrýhanaǵa jatqyzylsa, úsheýiniń ómiri qıylǵan, dep habarlaıdy QazAqparat tilshisi oblystyq TJD baspasóz qyzmetine silteme jasap.
Ótken aptanyń ózinde oblysta kóp qabatty turǵyn úılerdiń terezesinen balalardyń qulaý deregi eki ret tirkeldi.
Óńir TJD ókilderiniń aıtýynsha, 9 tamyz kúni Qaraǵandy qalasynyń 23-shi shaǵynaýdanynda ata-ana qaraýynsyz qalǵan bes jasar qyz besinshi qabattyń balkonynan qulap, aýrýhanaǵa jatqyzylǵan. Dál osyndaı jaǵdaı 11 tamyzda Shahtınsk qalasynda da boldy. Tórtinshi qabattan qulaǵan eki jasar bala aýrýhanaǵa jetkizildi.
Qaraǵandy oblystyq tótenshe jaǵdaılar departamenti ata-analardy balalaryn qaraýsyz qaldyrmaýǵa shaqyrady.
