Qaraǵandy oblysynda eki bala erigen qar sýyna tolǵan jyraǵa batyp ketti
ASTANA. 2 mamyr. QazAqparat - Qaraǵandy oblysynyń Buqar jyraý aýdanynda seısenbi kúni keshqurym eki bala erigen qar sýyna tolǵan jyraǵa qulap ketip, mert boldy.
Úsh saǵattan keıin jergilikti halyq alty jáne jeti jastaǵy balalardyń denesin sýdan alyp shyqty. Bul týraly QR TJM-nen habarlap otyr.
Osy ýaqytta Taldyqorǵan qalasynda turǵyn úıdiń aýlasynda oınap júrgen eki jastaǵy búldirshin sýy bar bóshkege qulap, kóz jumdy. Onyń máıitin sýdan týystary shyǵaryp aldy.
Onymen qosa, bul kúni Aqtóbe oblysynyń Terisaqqan aýylynda ótkelmen maldy aıdap ótpek bolǵan 34 jastaǵy er adam sýǵa ketti. Onyń denesi bir táýlikten keıin QR TJM Aqtóbe oblystyq sýda qutqarý qyzmetiniń kúshimen (jeke quramnyń 5 mamany men bir tehnıkasy) shyǵaryldy.
