Qaraǵandy oblysynda eki aıda 30 myń JRVI oqıǵasy tirkeldi
QARAǴANDY. QazAqparat - Taýarlar men qyzmetter sapasyn baqylaý jáne qaýipsizdik boıynsha departamentiniń málimetterine saı Qaraǵandy oblysynda jyl bastalǵaly 30 myń JRVI aýrýy tirkelgen, onyń ishinde 14 jasqa deıingi balalar sany - 20 129, dep habarlaıdy QazAqparat.
Jiti respıratorlyq juqpalardyń ótken jyldyń osy kezeńimen salystyrǵanda 1,1%(29 881) óskeni baıqalady.
Qazirgi ýaqyttaǵy - A (H1 N1), A (H3N2), B shtammdary tirkelgen. Bul epıdmaýsymda ótken jylǵydaı A (H1 N1) shtammy basym bolýy yqtımal. Aýyrǵandar arasynda egilgen adamdar joq. Joǵaryda aıtylǵandardan vaktsınatsııa tumaýdyń aldyn alýdyń eń tıimdi quraly bolyp tabylatyny dáleldenip otyr.
« Tumaý ásirese júktilik kezinde qaýipti, óıtkeni júktilik ımmýndyq júıege túbegeıli áser etedi. Áıeldiń aıaǵy aýyr bolǵanda, onyń ımmýndyq júıesi júktilikke deıin bolǵandaǵydaı tez tótep bere almaıdy. Júkti áıeldiń aǵzasy eń aldymen balany qorǵaý kerek ekenin biledi. Osylaısha, ol ımmýndyq júıeniń qabiletin tómendetedi, anasyn qorǵaý jáne aýrýlarǵa qarsy shyǵý tómendeıdi, onyń asqynýyn týǵyzý qaýpi artady», - dep habarlaıdy Qaraǵandy oblysynyń Densaýlyq saqtaý basqarmasynda.
Tumaý juqtyrǵan júkti áıelderdiń merziminen erte bosanýy múmkin. Bul júktiliktiń 37 tolyq aptasyna deıin bolýy yqtımal. Erte bosaný balanyń densaýlyǵyna aıtarlyqtaı problemalar keltirýi múmkin ekenin este saqtaǵan jón. Tumaý aýrýshańdyǵynyń kóterilýi kezinde dertti juqtyrmaý óte qıyn. Maskany kııý aýrýdan 100%-ǵa saqtaıdy dep senbeý kerek. Maska 2-3 saǵat boıy ǵana tıimdi, sodan keıin ony aýystyrý qajet, sonymen qatar maska kıgen kezde onyń tyǵyz kıilgenin baqylaý qajet.
Koronavırýstyń etek jaıýyna baılanysty, álemde tumaý indeti ósýde. Mysaly, tek AQSh-ta osy maýsymda tumaýdan 12 myń ólim men 22 mıllıon juqtyrǵandar tirkelgen.
Vırýstyń aldyn alý sharalary: qoldy jýý, ylǵaldandyryp tazalaý, úı-jaıdy jeldetý jáne adamdar kóp jınalatyn oryndarǵa barýdan bas tartý. Joǵaryda kórsetilgen usynystar koronavırýstyq ınfektsııanyń aldyn alý sharalary bolyp tabylady.
