Qaraǵandy oblysynda eki aýdandy sý basty
QARAǴANDY. QazAqparat - Qaraǵandy oblysyndaǵy eki eldimeken sý astynda qaldy, dep habarlaıdy «QazAqparat» HAA tilshisi.
«Qaraǵandy oblysynda tasqyn sýmen kúres is-sharalarynyń negizgi kesheni Qarqaraly, Shet aýdandaryna baǵyttalǵan. Ol jerlerde sý aıdap shyǵaratyn tehnıkalar jumys jasaýda. Aǵyn sý ótkizetin jolasty qubyrlar tazartylyp, tasqyn sýdy jınaıtyn ańǵarlar jasalynýda. Qarlardy shyǵaryp jatyr. TJ departamenti men jergilikti atqarýshy organdardyń kómegimen sýdyń deńgeıin táýlik boıy baqylaýda», - dep habarlady TJ departamentiniń baspasóz hatshysy Qýanysh Mútallapov.
Qazirgi tańda jergilikti mańyzy bar avtojoldyń úsh ýchaskesin jáne respýblıkalyq mańyzy bar joldyń bir ýchaskesin tasqyn sý azdap shaıyp ótken.
Shet aýdanynda Sherýbaı-Nura ózenderindegi sýdyń deńgeıi joǵarylap, saldarynan Shopa aýylyna baratyn jol shaıylyp ketti. Osy sebepti jol boıynda kóliktiń júrýine tolyqtaı tyıym salynyp, polıtseı beketteri qoıyldy. Sý aıdap shyǵaratyn arnany keńeıtý jáne tazalaý jumystary júrgizilýde, sý arnaıy tehnıka kómegimen aıdalýda, turǵyndar óz úıleriniń aýmaǵyndaǵy qarlardy shyǵarýda.
Oblystyq sý tasqynyna qarsy shtabtyń basshysy, Qaraǵandy oblysy ákiminiń orynbasary Andreı Lıapýnov iri sý qoımalary men sý tasqynynyń qaýpi bar ýchaskelerdi tekserip, birqatar tapsyrmalar berdi.
