Qaraǵandy oblysynda egis naýqanynyń qorytyndysy saralandy
QARAǴANDY. QazAqparat – Qaraǵandy oblysynda egis naýqanynyń qorytyndysyshyǵaryldy. Bıylǵy jyly jazdyq egis alqaptary, kartop pen kókónis otyrǵyzýkólemi artty. Fermerler joǵary sapaly tuqymdar men mıneraldy tyńaıtqyshtardy kóbirek qoldana bastady, dep habarlaıdy QazAqparat.
«Egis naýqanyna 1 884 aýyl sharýashylyǵy qurylymdary qatysty. Bul kórsetkish
2020 jylǵa qaraǵanda 213 sharýashylyqqa artyq. Ótken jyldyń deńgeıimen salystyrǵanda jazdyq egis kólemi 40 myń gektarǵa artyp, 1 mln 57 myń 700 gektardy qurady. Kartop 11 042 ga, kókónis 1 794 ga aýmaqqa salyndy. Jemshóp daqyldarynyń egistigi 15,9 myń ga ulǵaıdy jáne 79,2 myń ga qurady», – dep málim etti Aýyl sharýashylyǵy basqarmasynyń basshysy Asqar Sanaýbarov onlaın rejıminde ótken apparattyq keńeste.
Ol oblys sharýashylyqtary suryptyq jańartýǵa kóńil bóletinin atap ótti.
Mysaly, bıylǵy jyly joǵary reprodýktsııaly tuqymdar barlyq astyq tanabynyń 92%-na qoldanyldy. Dándi daqyldar men kartop otyrǵyzýda elıtalyq tuqymdardy qoldaný da artty.
Basqarma basshysynyń aqparaty boıynsha, tuqym sharýashylyǵyn qoldaýǵa bıyl 726 mln teńge bólindi jáne bul somanyń basym bóligi tólendi.
Sondaı-aq, mıneraldy tyńaıtqyshtardyń qunyn sýbsıdııalaýǵa, aramshópter jáne zııankestermen kúresýge bıýdjetten qarajat bólindi.
Egis naýqanyna 9 500-den astam traktor, 229 egis kesheni jáne 5 556 sepkish tartyldy. Agrarshylar 19 myń tonna arzandatylǵan dızel otynyn aldy.
Egis jumystaryn júrgizýge oblystyń 108 sharýashylyǵy «Keń Dala» jáne
«Eginjaı» baǵdarlamalary boıynsha jeńildetilgen nesıelerdi paıdalandy.
«Oblysta egis naýqany kózdelgen merzimde aıaqtaldy. Buǵan aýyl sharýashylyǵy
kásiporyndaryn aldyn ala daıyndaý, qolaıly aýa-raıy yqpal etti. Endi bitik egin jınaýǵa jaǵdaı jasaý kerek. Aýyl sharýashylyǵy basqarmasyna qoldaý kórsetý boıynsha keshendi sharalardy qamtamasyz etýdi tapsyramyn», – dedi óńir basshysy Jeńis Qasymbek.
