Qaraǵandy oblysynda egis alqaby 57 myń gektarǵa ulǵaıdy
QARAǴANDY. QazAqparat - Ótken jylmen salystyrǵanda Qaraǵandy oblysynda egis alqaby 57 myń gektarǵa ulǵaıdy, dep habarlaıdy QazAqparat tilshisi.
Qaraǵandy oblysy ákiminiń orynbasary Serik Shaıdarov kóktemgi egin egý naýqanyna daıyndyqtyń qalaı ótip jatqanyn tekserý maqsatynda memlekettik organdar, qarjy ınstıtýttary men aýyl sharýashylyq taýar óndirýshileriniń qatysýymen jıyn ótkizdi.
Óńir basshysynyń orynbasary atap ótkendeı, Qaraǵandy oblysynyń Buqar Jyraý, Nura jáne Osakarovka aýdandaryndaǵy negizgi astyq alqaptary bıyl egis aýmaqtaryn ulǵaıtady.
«Jalpy kóktemgi egis jumystaryna daıyndyq keste boıynsha júrip jatyr. Tuqym men janar-jaǵarmaımen qamtamasyz etý máseleleri sheshildi», - dedi Serik Shaıdarov.
«10 mamyrdan bastap egis naýqany bastalady», dep habarlady oblystyq aýyl sharýashylyǵy basqarmasynyń basshysy Saǵynjan Apaqashov.
Onyń aıtýynsha, egin egý jumystaryna 17 myńnan astam aýyl sharýashylyǵy tehnıkasy tartylady.
Jınalys barysynda tuqym sharýashylyǵyn sýbsıdııalaýdyń jańa mehanızmi talqylandy. Atalmysh qoldaý quraly eki maqsatty kózdeıdi: fermerlerge sapaly tuqym satyp alýdy jeńildetý jáne tuqym ósirý sharýashylyqtaryna tehnıkalyq qaıta jaraqtandyrýǵa qarajat berý. Osy jyldan bastap ósimdik ósirýshiler tuqymdardy norma boıynsha, tólemsiz alady. Al olardyń quny elıtalyq tuqym sharýashylyqtaryna sýbsıdııa esebinen óteledi. Bul maqsatqa 473 mln teńge bólindi. Kúzde egin jınaǵannan keıin birinshi reprodýktsııaly tuqymnyń 30% qunyn sharýashylyqtar «Agrarlyq nesıe korporatsııasy» AQ-na uıymyna qaıtarady.
Agrarlyq nesıe korporatsııasy fılıalynyń málimetinshe, kóktemgi egis jumystaryn júrgizý úshin astyq egetin úsh aýdannyń 22 sharýashylyǵy jyldyq mólsherlemesi 5,5% quraıtyn 713 mln teńge somasynda jeńildetilgen nesıe alǵan.
Osy jyldan bastap «QazAgroQarjy» AQ arqyly lızıngke aýyl sharýashylyǵy tehnıkasyn satyp alý múmkindigi barynsha qoljetimdi bolyp otyr. Sharýashylyqtar úshin bastapqy jarna memleket tarapynan sýbsıdııa túrinde, qarjy ınstıtýtynyń arnaıy shotyna aqsha aýdarý arqyly júzege asyrylady.
Sondaı-aq jınalys barysynda aýyl kásipkerleri olardy tolǵandyryp júrgen suraqtaryn qoıdy. «Qaınar» JShS basshysy Seıtjappar Nyǵmetov oblys elevatorlarynda astyq saqtaý tarıfin retteý qajettigin atap ótti.
«Naıdorovskoe» JShS basshysy Pavel Lýşak Mıneraldy tyńaıtqyshtardyń qunyn sýbsıdııalaý erejelerin ózgertýdi usyndy.
Otyrys qorytyndysy boıynsha oblys ákiminiń orynbasary birqatar tapsyrmalar berdi.
