Qaraǵandy oblysynda dırektorlyqqa kandıdatty ata-analar baǵalaıdy
QARAǴANDY. QazAqparat - Qaraǵandy oblysynda mektep dırektorlaryn taǵaıyndaý rásimi ózgerdi. Bul týraly tamyz konferentsııasynda bilim berý basqarmasynyń basshysy Ashat Aımaǵambetov habarlady.
«Basqarýdyń tıimdiligin arttyrý maqsatynda bıyldan bastap basshylyq laýazymǵa kandıdattardy taǵaıyndaý rásimi ózgertildi. Úmitker mindetti túrde bilim berý basqarmasymen kelisiledi. Kelisim birneshe kezeńde ótedi», - dedi baıandama jasaǵan A.Aımaǵambetov.
Ol oblysta dırektor orny bosaǵan jaǵdaıǵa kadr rezervi qurylǵanyn atap ótti.
Jańa qaǵıda boıynsha mundaı baǵdarlamalardy ata-analar uıymy ázirleıdi de dırektor kandıdattyǵyna usynady.
«Birinshi kezeń - normatıvtik quqyqtyq aktilerdi bilýine irikteý testileýden ótý, ekinshi kezeń - kandıdat qamqorlyq keńesiniń aldynda bilim berý uıymynyń basshysy retinde is-qımyl baǵdarlamasyn qorǵaıdy», - dedi ol.
Ol bul basshylardy taǵaıyndaǵan kezde sybaılas jemqorlyq yqpalyn azaıtýǵa múmkindik beredi dep sanaıdy.
