Qaraǵandy oblysynda daýyl saldarynan mádenıet úıi men turǵyn úılerdiń shatyrlary qırady
QARAǴANDY. QazAqparat - Qaraǵandy oblysynda 17.00-degi jaǵdaı boıynsha qatty jel eki qabatty turǵyn úı men mádenıet úıiniń shatyryn ushyryp jiberdi, dep habarlaıdy QazAqparat QR ІІM TJK baspasóz qyzmetine silteme jasap.
«23 mamyrda 04.00-den 17.00-ge deıin qatty jeldiń saldarynan (ekpini 21m/s) 2 qabatty turǵyn úıdiń 135 sharshy metri, 2 qabatty «Mádenıet úıi» MKQK ǵımaratynyń 60 sharshy metriniń shatyry ushyp ketken. Eshkim zardap shekpedi», - delingen habarlamada.
