Qaraǵandy oblysynda dárigerlik ambýlatorııa tazalyq talaptaryn buzdy
QARAǴANDY. QazAqparat - Qaraǵandy oblysynda qoǵamdyq densaýlyqty saqtaý basqarmasy mamandarynyń sanıtarlyq-epıdemıologııalyq qorytyndyny alý protsedýrasynan ótý talabyn oryndamaǵany úshin Shet aýdanynyń ortalyq aýrýhanasy dırektorynyń mindetin atqarýshysyna aıyppul salyndy, dep habarlaıdy «QazAqparat» HAA tilshisi.
Birinshi tekseris nátıjesinde dárigerlik ambýlatorııanyń ruqsat qujattarynsyz jumys isteıtindigi anyqtaldy. Qoǵamdyq densaýlyqty saqtaý basqarmasynyń qyzmetkerleri dırektordyń mindetin atqarýshyǵa uıǵarym jazǵan. Dárigerge zań buzýshylyqtardy joıýǵa bir aı ýaqyt berilgen. Mamandar ekinshi qaıta kelgende jaǵdaıdyń esh ózgermegendigin baıqaǵan. Bul joly ókiletti organ dárigerdi ákimshilik jaýapkershilikke tartý týraly sotqa materıal daıyndady.
«Aýrýhana dırektorynyń mindetin atqarýshyǵa «Ákimshilik quqyqbuzýshylyq týraly» kodekstiń 462-baby 3-bóligi («qaýlylardy, uıǵarymdar men ózge de talaptardy oryndamaý») boıynsha 15 aılyq eseptik kórsetkish kóleminde aıyppul salyndy. Bul soma 34 myń 35 teńgeni quraıdy», - dep habarlady Shet aýdandyq sotynyń baspasóz qyzmetinen.
