Qaraǵandy oblysynda dári-dármek baǵasyn negizsiz kótergen dárihanalar anyqtaldy
QARAǴANDY. QazAqparat – Qaraǵandy oblysynda dári-dármekterdiń baǵasyn kóterý jaǵdaılaryn anyqtaý boıynsha reıdter júrgizilip jatyr. Búgingi tańda mobıldi toptar 5 shildeden bastap dárilerge belgilengen shekti baǵanyń artýynyń 45 faktisin tirkedi, dep habarlaıdy QazAqparat tilshisi.
Dári-dármek baǵasynyń negizsiz kóterilýin oblystyq prokýratýra, polıtsııa, sybaılas jemqorlyqqa qarsy qyzmet, Ekonomıkalyq tergeý jáne Taýarlar men qyzmetterdiń sapasy men qaýipsizdigin baqylaý departamentiniń ókilderi birige otyryp tekserýde. On kún aralyǵynda toǵyz ereje buzýshyǵa 1,2 mln teńge kóleminde aıyppul salyndy. 36 jaǵdaı boıynsha taýarlar men qyzmetterdiń sapasy men qaýipsizdigin baqylaý departamenti kinálilerdi jaýapqa tartý jóninde sharalar qabyldaıdy.
«Mysaly, «Lazolvan ıÝnıor»-dyń shekti baǵasy 1635 teńgeniń ornyna 2 900 teńgeden jáne «Kardıomagnıl»-ǵa belgilengen 1 797 teńge baǵadan asyryp, 2 000 teńgege satqany úshin Abaı aýdany Topar kentindegi dárihana ıesine QR ÁQBtK-niń 426-babynyń 1-tarmaǵy boıynsha 180 540 teńgeden ákimshilik aıyppul salyndy. Jezqazǵan qalasyndaǵy Laif dárihanasynyń farmatsevtine «Pregabalın» dármegin dárigerdiń retseptisiz satqany úshin 97 230 teńge mólsherinde aıyppul salyndy», - dep málimdeıdi Qaraǵandy oblystyń prokýratýrasynyń baspasóz qyzmeti.
Qaraǵandy oblysynyń turǵyndary da mobıldi toptarǵa dári-dármekterdiń baǵasyn negizsiz kóterý nemese retseptýralyq preparattardy satý jaǵdaılary týraly prokýratýraǵa (8-7212) 35-35-33 jáne 8-702-111-40-06 telefondarynyń baılanys nómirleri boıynsha habarlap, kómektese alady.
