Qaraǵandy oblysynda dámhana, meıramhanalar túngi 24.00-ge deıin jumys isteıdi
QARAǴANDY. QazAqparat - Qaraǵandy oblysynyń Bas sanıtarııalyq dárigeri jańa qaýlyǵa qol qoıdy. Atalmysh qujatqa saı, óńirdegi qoǵamdyq tamaqtaný ortalyqtary 07.00-den 24.00-ge deıin jumys isteı alady. Sonymen qatar qaýlydaǵy ózgerister oqý jylynyń úshinshi toqsanyndaǵy bilim alý erejelerine qatysty, dep habarlaıdy QazAqparat tilshisi.
Qaraǵandy oblysynyń sanıtarııalyq-epıdemıologııalyq baqylaý departamenti Qazaqstan Respýblıkasynyń aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa otyrysynyń hattamasyna sáıkes kelesi:
- qoǵamdyq tamaqtaný nysandarynyń jumys, mereke jáne demalys kúnderindegi jumys rejımderi saǵat 07.00 bastap 24.00 deıingi aralyqta shekteledi;
- saýda-oıyn-saýyq ortalyqtary, saýda úıleri, saýda jelileri, jabyq azyq-túlik jáne azyq-túlik emes bazarlary jumys kestelerine sáıkes qyzmet etedi;
- tamaq ónimderiniń kóterme jáne bólshek saýda nysandarynyń (saýda bazarlarynyń) jumyskerleri halyqqa qyzmetti maskada, qoldy mindetti túrde antıseptıkpen óńdeý arqyly kórsetedi;
- 2020-2021 oqý jylynyń úshinshi toqsanynan bastap Densaýlyq saqtaý mınıstriniń 2017 jylǵy 16 tamyzdaǵy № 611 buıryǵymen bekitilgen «Bilim berý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalarynyń talaptaryn qatań saqtaı otyryp:
- 300 oqýshyǵa deıingi kontıngenti bar, synyptardaǵy balalar sany 15 adamǵa deıingi qalalyq jáne aýyldyq mektepterde dástúrli formatta oqytý;
- jalpy bilim beretin mektepterde 1 - synyptan bastap 5-synypty qosa alǵanda kezekshi synyptarda, halyqaralyq mektepterde - 7-synypty qosa alǵanda ata-analardyń ótinishi boıynsha 15 baladan aspaıtyn synyptardy jınaqtaýdy saqtaǵan kezde oqytý;
- mektep bitirýshi synyptary úshin aptanyń 6 kúni ishinde aralas oqytý (9, 11 (12) synyptar): pánderdiń 70%-y shtattyq rejımde, 30%-y qashyqtyqtan oqytý (synypta 15 adamnan artyq emes, áleýmettik qashyqtyqty saqtaý, 1–synyp - 1-kabınet qaǵıdaty boıynsha oqytý, bir mezgilde mektepte jobalyq qýattyń 30%-dan aspaıtyn bolýy, sanıtarııalyq-dezınfektsııalyq rejımdi, maskalyq rejımdi kúsheıtý);
- bilim berý mekemesi ákimshiliginiń sheshimi boıynsha sabaqtan tys ýaqytta 5 adamnan aspaıtyn toptarda oqýshylardy jeke oqytý;
- kolledjder men joǵary oqý oryndarynyń I kýrs stýdentteri úshin ekinshi semestrden bastap shtattyq oqytý týraly sheshim qabyldandy.
