Qaraǵandy oblysynda burshaq jaýady dep kútilýde - 14 tamyzǵa arnalǵan aýa raıy boljamy
ASTANA. 13 tamyz. QazAqparat - Qazaqstan aýmaǵynyń basym bóligi 14 tamyzda joǵary qysym yqpalynda bolady, aýa raıy jaýyn-shashynsyz bolady dep kútilýde, respýblıkanyń soltústiginde keı jerlerde tuman túsedi.
Bul týraly Qazgıdrometke silteme jasap, QR TJM baspasóz qyzmetinen habarlaıdy.
Shyǵys pen ońtústik-shyǵysta keı jerlerde naızaǵaı jarqyldap, jańbyr jaýady, jel kúsheıedi. Túnde jáne tańerteń Aqmola, Soltústik Qazaqstan, Aqtóbe, Qostanaı, Qaraǵandy oblystarynda keı jerlerde tuman túsedi dep kútilýde, kúndiz Qaraǵandy oblysynda keı jerlerde burshaq jaýýy múmkin.
Almaty, Jambyl, Pavlodar, Shyǵys Qazaqstan oblystarynda, kúndiz Ońtústik Qazaqstan oblysynda keı jerlerde jel 15-20 m/s-qa kúsheıedi dep kútilýde.
Atyraý oblysynda, Batys Qazaqstan oblysynyń keı jerlerinde kúndiz qatty ystyq bolady dep kútilýde. Ońtústikte, respýblıka ortalyǵynyń keı jerlerinde tótenshe joǵary órt qaýpi saqtalady.
Aldaǵy táýlikterde jaýyn jaýýyna baılanysty Batys Altaı ózenderinde (Buqtyrma, Oba, Turǵysyn, Qara Ertis jáne t.b.) ári qaraı sý deńgeıiniń kóterilýi kútilýde, jekelegen ózenderde sý jaıylýy jáne sý deńgeıiniń kóterilýi múmkin.
Respýblıkanyń ońtústiginiń jáne ońtústik-shyǵysynyń taýly ózenderinde sý deńgeıiniń turaqsyzdyǵy baıqalady. Qostanaı oblysynyń Úı jáne Tobyl (Qaratamar sý qoımasynan tómen) ózenderinde sý deńgeıiniń kóterilýi kútilýde.
Esterińizge sala keteıik, 14 tamyzda qatty jaýyn jaýady dep boljanýyna baılanysty Almaty jáne Shyǵys Qazaqstan oblystarynyń jekelegen taýly ózenderi aýdanynda sý tasýy kútilýde. Shyǵys Qazaqstan oblysynda sý jaıylýy jáne sý deńgeıiniń kóterilýi múmkin.
