Qaraǵandy oblysynda brakonerden 8 mln teńgeniń balyǵy tárkilendi
QARAǴANDY. QazAqparat - Qaraǵandy oblysynda brakonerden zańsyz aýlanǵan eki tonnadan astam balyq tárkilendi, dep habarlaıdy QazAqparat tilshisi.
«Qaraǵandy oblystyq ІІD Jergilikti polıtsııa qyzmeti tabıǵat qorǵaý qyzmetkerleri Aqtoǵaı aýdany jáne Prıozersk qalasynyń aýmaǵynda reıd sharalaryn júrgizdi. Sonyń barysynda «Almaty-Ekaterınbýrg» tasjolynda Almatyǵa bet alǵan Ford markaly kólikten balyq tabyldy. Kólikti Saryshaǵan kentiniń turǵyny tizgindegeni anyqtaldy», - dedi Qaraǵandy oblystyq ІІD baspasóz qyzmetinen.
Polıtseıler brakonerdiń avtokóliginen eki túrli balyq - 327,6 kg berish, 2420,6 kg kókserke salynǵan 91 qapty tárkiledi. Balyqtyń jalpy salmaǵy 2 tonna 420 kg 600 gramm.
Brakonerdiń keltirgen zalaly 8 mıllıon 80 myń 126,6 teńgeni quraıdy.
Oblystyq ІІD baspasóz qyzmeti atap ótkendeı, er adam balyqty Balqash kólinen ýyldyryq shashý kezinde aýlaǵan. Qazirgi tańda tergeý jumystary júrip jatyr.
i.ytimg.com saıtynan alynǵan ıllıýstratsııalyq foto
