Qaraǵandy oblysynda brakonerden 100 kg-nan astam balyq tárkilendi

BALQASh. QazAqparat – Balqashta 100 kg astam balyqty zańsyz aýlaǵan brakoner ustaldy. Tártip saqshylary ony muz astynan balyq aýlap otyrǵan jerinen ustady, dep habarlaıdy QazAqparat tilshisi.

1 aqpanda Qaraǵandy oblysy Balqash qalasy polıtsııa bóliminiń tabıǵatty qorǵaý polıtsııasynyń qyzmetkerleri reıd ótkizdi.

Sharanyń maqsaty – brakonerlik faktilerin anyqtaý jáne jolyn kesý.

Saǵat 16.00-de polıtseıler Balqash kólinde muz astynda balyq aýlaýmen aınalysatyn belgili bir azamatqa nazar aýdarǵan.

Tártip saqshylary bul adamdy ustap, ol Almaty oblysynyń 48 jastaǵy turǵyny ekenin anyqtady.

Er adamnan 83 kg sazan, 21 kg taban, uzyndyǵy 600 metr balyq aýlaý tory, lom men kúrek tabyldy jáne tárkilendi.

Shyǵyn somasy 369 myń teńgeni qurady.

«QR QK 335-baby «Balyq resýrstaryn, basqa sý janýarlaryn nemese resýrstaryn zańsyz óndirý» boıynsha qylmystyq is qozǵaldy. Tergeý júrip jatyr», - dep habarlady Qaraǵandy oblysy PD baspasóz qyzmeti.