Qaraǵandy oblysynda boranda joǵalyp ketken 3 adamnyń bireýi óli kúıinde tabyldy
QARAǴANDY. QazAqparat – Qaraǵandy oblysynda boranda adasyp ketken úsh adamnyń biri kóz jumdy, dep habarlaıdy QazAqparat tilshisi
Qaraǵandy jáne Qostanaı oblystarynyń shekara aýmaǵynda birneshe kún boıy er adamdy izdestirý jumystary júrgizildi. Ol 20 aqpanda Qostanaı oblysynyń Amangeldi aýdanyndaǵy Beráli qystaǵynan mal izdeýge shyǵyp, qaıtyp oralmaǵan.
Іzdestirý-qutqarý jumystaryna Qaraǵandy jáne Qostanaı oblysynyń TJD, polıtsııa bólimsheleri, shopannyń týystary jumyldyryldy. QR TJM Qazavıaqutqarý tikushaǵy da izdeý jumystaryna qosyldy.
Іzdeý jumystary aýa raıynyń qolaısyzdyǵyna baılanysty qıynǵa soqty. 27 aqpan Ulytaý aýdany aýmaǵynda aerovızýaldy tekserý kezinde Qazavıaqutqarý ekıpajy joǵalyp ketken adamdy aman-esen taýyp, dárigerge jetkizdi.
Taǵy bir joǵalǵan adam Shet aýdanynan tabyldy. 24 aqpanda Qyzyltaý aýylynyń qystaǵynan malshy mal jaıýǵa shyǵyp, qaıtyp oralmaǵan. Búgin, 27 aqpanda TJD bólimsheleri men jergilikti turǵyndar quramyndaǵy izdestirý toby er adamdy malmen birge qystaqtan 20 shaqyrym jerden tapty.
«24 aqpan kúni Keńgir aýyldyq okrýginiń Araltóbe qystaǵynan shyqqan er adam joǵalyp ketken. 27 aqpanda izdeý toby joǵalǵan adamnyń denesin qystaýdan 2 km qashyqtyqta tapty», - dedi Qaraǵandy oblystyq TDJ baspasóz qyzmetinde.
Esterińizge sala keteıik, 24 aqpannan bastap aýa raıynyń nasharlaýyna baılanysty Qaraǵandy oblysynyń aýmaǵynda birqatar aapattyq-qutqarý jáne izdestirý jumystary júrgizildi.
