Qaraǵandy oblysynda bolǵan jol-kólik apatynan jol polıtsııasynyń qyzmetkeri zardap shekti
QARAǴANDY. 17 naýryz. QazAqparat - Qaraǵandy oblysynda bolǵan jol-kólik apatynyń saldarynan qyzmetin atqaryp júrgen jol polıtseıi zardap shekti. Bul týraly oblystyq ІІD-niń baspasóz qyzmetinen habarlaıdy.
Polıtsııanyń aqparatynsha, 16 naýryz kúni saǵat 23:15-te «Almaty-Ekaterınbor» kólik jolynda, Temirtaý qalasynan 5 shaqyrym jerde «Aýdı 100» kóligi jáne jol polıtsııasynyń arnaıy kóligi soqtyǵysyp qaldy.
«Astana qalasyna kóktaıǵaq jaǵdaıynda qaýipsizdikti qamtamasyz etpeıtin jyldamdyqpen kele jatqan «Aýdı 100» kóliginiń 51 jastaǵy júrgizýshisi, Abaı qalasynyń turǵyny kólikti júrgize almaı, «VAZ 21102» arnaıy kóligine soqtyǵysty». JPB-nyń jasaǵy jolda nashar aýa raıy jaǵdaıynda qozǵalysqa shekteý qoıý úshin turdy. Arnaıy kólik shekaralyq jolaqta qosylyp turǵan dabyl shamshyraǵymen turǵan», - delingen oblystyq ІІD baspasóz qyzmetiniń habarlamasynda.
Jol-kólik oqıǵasynyń saldarynan Temirtaý qalasynyń ІІB JPB-niń júrgizýshi ınspektory jaraqat aldy. «Zardap shekken azamat «jabyq bas súıek-mı zaqymy, bas mıynyń shaıqalýy, bastyń shash bóliginiń jaralary, kókirek qýysynyń jaralanýy dıagnozymen aýrýhanaǵa jetkizildi», - delingen habarlamada.
Jol-kólik oqıǵasy faktisi boıynsha tergeý amaldary júrgizilýde.
