Qaraǵandy oblysynda bızneske qandaı kómek kórsetilýde

QARAǴANDY. QazAqparat – Qaraǵandy oblysynda bızneske memleket tarapynan kórsetiletin qoldaý aıtarlyqtaı artty. 2021 jyly 4 myńnan astam joba kómek alady dep josparlanýda.

Óńir basshysy Jeńis Qasymbek kásipkerlik máseleleri jónindegi komıssııanyń kezekti otyrysyn ótkizdi. Onlaın-kezdesýde is júzindegi bar problemalar men olardy sheshý joldary talqylandy.

«Kúrdeli jaǵdaıǵa qaramastan, óńirde shaǵyn jáne orta bıznes damyp keledi. Memlekettik qoldaý kólemi ulǵaıdy, bul kásipkerlik belsendilikti yntalandyrady. Bıyl «Bıznestiń jol kartasy – 2025» baǵdarlamasyn júzege asyrýǵa 9,5 mlrd teńge bólindi. Qazirdiń ózinde 1 257 joba maquldandy – bul 2020 jyldyń sáıkes kezeńimen salystyrǵanda 5 ese kóp. Bul jobalar boıynsha ınvestıtsııalardyń jalpy somasy 64 mlrd teńgeden asady», – dedi Jeńis Qasymbek.

«Qarapaıym zattar ekonomıkasy», «Eńbek» baǵdarlamalary boıynsha da qoldaý artty, dep atap ótti oblys ákimi.

Sonymen qatar, komıssııada sheshimin jergilikti jáne ortalyq bılik taba alatyn kásipkerlerdiń problemalary týraly aıtyldy. Ózekti máselelerdiń biri – qurylys materıaldary baǵasynyń ósýine baılanysty jobalardy túzetý. Óńirlik kásipkerler palatasynyń Qurylys jáne qurylys ındýstrııasy komıtetiniń tóraǵasy Tólegen Áshimovtyń aqparaty boıynsha, oblys boıynsha osyndaı 50-ge jýyq ótinim berilgen.

Jeńis Qasymbek bul máseleni sheshý jóninde tapsyrma berdi.

Sonymen qatar, energııa tapshylyǵy máseleleri talqylandy. Energııanyń jetispeýshiligi bıznestiń damýyna kedergi keltiredi. Bul másele de júıeli kózqarasty talap etedi.