Qaraǵandy oblysynda bıylǵy jyly bes zaýyt iske qosylady
QARAǴANDY. QazAqparat - Bıylǵy jyly Qaraǵandy oblysynda bes zaýyt ashylady, dep habarlaıdy «QazAqparat» HAA tilshisi óńir basshysy Nurmuhambet Ábdibekovke silteme jasap.
Jyly blok óndiretin zaýyt, mysty siltiden aıyrý zaýyty, qaǵaz qaldyqtaryn qaıta óńdeý jáne tsellıýloza zaýyttary iske qosylady. Sondaı-aq, Saryopan ken orny bazasynda áktas óndirýdi qolǵa alyp, otqa tózimdi materıaldar shyǵaratyn zaýyt qurý josparlanǵan.
Qaraǵandy oblysynyń ákimi Nurmuhambet Ábdibekov halyqqa esep berý kezinde aıtqandaı, bul jańa kásiporyndar «Kásipkerlikti qoldaý kartasy» baǵdarlamasy aıasynda ashylady.
«Kásipkerlikti qoldaý kartasy aıasynda 10 jobany júzege asyrý josparymyzda bar. Odan bólek, kartadan tys 2 mıllıard 400 mıllıon teńgelik ınvestıtsııa kólemindegi qosymsha toǵyz joba iske asyrylady», - dedi Qaraǵandy oblysynyń ákimi Nurmuhambet Ábdibekov.
