Qaraǵandy oblysynda bıylǵy kúzde 600 myńnan astam kóshet egiledi

QARAǴANDY. QazAqparat - Qaraǵandy oblysynda kúzgi aǵash otyrǵyzý naýqany júrip jatyr. Jumystar Temirtaý men Abaı mańynda jáne tálimbaq ormanshylyqtarda júrgizilýde, dep habarlaıdy QazAqparat tilshisi.

Kóktemde orman alqaptarynda 230 gektarǵa jýyq 420 myńnan astam kóshet otyrǵyzyldy. Barlyǵy 395 gektar jerdi kógaldandyrý josparlanýda.

Memleket basshysynyń tapsyrmasyna saı búkil el boıynsha «Jasyl Qazaqstan» ulttyq jobasy aıasynda belsendi túrde aǵashtar otyrǵyzylýda.

Qaraǵandy oblysynda kúzgi jumystar bastaldy. 22 qazanǵa deıin 182 gektar jerge 619 myńnan astam úıeńki men qaraǵash kóshetterin otyrǵyzý josparlanýda.

«Oblystyq bıýdjet qarajaty esebinen mamandandyrylǵan tehnıka men jabdyqtar: traktorlar, aǵash otyrǵyzý mashınalary, sepkishter, dıskilik tyrmalar jáne t. b. satyp alynady, sondaı-aq orman jaramdylyǵyna topyraqty zertteý boıynsha jobalaý-izdestirý jumystary júrgiziledi jáne bolashaq orman tálimbaqtarynyń jobalaý-smetalyq qujattamasy ázirlenedi. Orman aǵashtaryn otyrǵyzý kelesi jyly da jalǵasady», - dep málimdedi Qaraǵandy oblysynyń Tabıǵı resýrstar jáne tabıǵat paıdalanýdy retteý basqarmasynda.