Qaraǵandy oblysynda bıyl oramjapyraq pen kartop alqaptary ulǵaıtyldy
QARAǴANDY. QazAqparat - Qaraǵandy oblysynyń ákimi Erlan Qoshanov Buqar jyraý, Osakarov jáne Nura aýdandarynyń alqaptarynda bolyp qaıtty. Ol kóktemgi egis jumystarynyń barysymen tanysyp, sharýalarmen kezdesti, dep habarlaıdy QazAqparat tilshisi.
Egin egý bastalǵanǵa deıin óńir basshysy oramjapyraq egýge arnalǵan alańdy keńeıtýdi tapsyrǵan bolatyn. Turaqtandyrý qorynda 2019-2020 jyldary osy kókónisterdiń qoryn 28%-ǵa arttyrý qajet. Bul baǵanyń ósýin boldyrmaýǵa kómektesedi.
Buqar jyraý aýdanynda qyryqqabat egý úshin 80 gektar jer bólindi. Ótken jyly bul kókónis túri 50 gektarǵa egilgen edi. Bul aýdanda kartop otyrǵyzýǵa arnalǵan alań da ulǵaıady. Ol úshin arnaıy «Baımyrza Agro-2018» jańa kásiporny quryldy. Kompanııa 140 gektar jerge kartop salady. Qajetti tuqym men tehnıka da daıyn, deıdi mamandar. Ónimdi saqtaý úshin 8 000 tonnaǵa shaqtalǵan qoıma salynady.
Sondaı-aq, Osakarov aýdanynda da ótken jylǵa qaraǵanda kartopty kóbirek otyrǵyzýdy josparlap otyr. Ol úshin 305 gektar alań bólingen. «Naıdorovskoe» JShS-nyń egis alqaptarynda eýropalyq suryptar otyrǵyzylady. Ótken jyly sheteldik tuqymdar jaqsy ónim bergen bolatyn - bir gektardan 40 tonnaǵa jýyq kókónis jınalyd. Jalpy 6 myń tonna kartop jınaldy.
«Naıdorovskıı» alqaptarynda tsıfrlandyrýdy júıesi belsendi túrde qoldanylýda. Kompanııanyń barlyq jerlerinde jerserikterinen alynǵan aqparatty esepteı otyryp, topyraqtyń temperatýrasy men ylǵaldylyǵyn, otyrǵyzylǵan daqyldardyń pisý jyldamdyǵyn baqylap, tipti bolashaq ónimdi boljaıtyn arnaıy baǵdarlama ornatylǵan. 
«Tsıfrlyq tehnologııalardy engizý qajet. Olardyń agrarlyq sektorǵa ashatyn bolashaǵy zor. Sonymen qatar, tehnıkany jańartý kerek. Ol úshin qazir elde lızıngtik baǵdarlamalar men sýbsıdııalaý sekildi jaǵdaılar jasalǵan. Osynyń arqasynda aýyl sharýashylyǵy taýaryn óndirýshiler úshin tehnıka satyp alýǵa beriletin nesıe tek 7%-dy quraıtyn bolady. Sharýalardyń aıtýynsha, bul olar úshin tıimdi mólsherlerme. Sondaı-aq, qazir paıdalanylmaı jatqan jerlerdi memlekettik menshikke qaıtarý boıynsha jumystar júrgizýdemiz. Sodan keıin bul ýchaskelerdi aýktsıonǵa shyǵaramyz. Aýyl sharýashylyǵy taýarlaryn óndirýshilerdi oǵan qatysýǵa jáne egistik aýmaqtaryn keńeıtýge shaqyramyn», - dedi Erlan Qoshanov.
Oblys ákimi sondaı-aq sýarmaly aýmaqtar alańyn ulǵaıtýdyń mańyzdylyǵyn atap ótti. Qazir Nura aýdanynda myń gektardan astam jer bar. Bıyl olardyń kólemi eki ese kóp bolady.
Óńir basshysymen kezdesý barysynda dıhandar egis naýqanyn merziminde aıaqtaý úshin olardyń tehnıkasy men tuqymdary jetkilikti dep sendirdi.
