Qaraǵandy oblysynda bıyl balabaqshalarda 2 myńǵa jýyq jańa oryn ashyldy
Mektepke deıingi bilim berý salasynda ózara tıimdi yntymaqtastyqtyń qalaı qurylyp jatqandyǵy týraly oblystyń bilim basqarmasynda aıtyldy.
«Qaraǵandy oblysynda búginde 411 mektepke deıingi uıym jumys isteıdi. Olarǵa bir jastan alty jasqa deıingi 40 myńnan astam bala barady. Óńirde mektepke deıingi bilim jáne tárbıemen qamtý 79,5%-quraıdy. Kelesi jyly 82,6%-ǵa jetkizýdi josparlap otyrmyz. Jańa oryndardy negizinen jeke ınvestorlar esebinen quramyz. Kásipkerler qolaıly ǵımarat taýyp, balabaqshalar ashyp, olardy talaptarǵa saı jabdyqtaıdy, al biz memlekettik tapsyrys beremiz», – dedi mektepke deıingi jáne jalpy orta bilim berý bóliminiń bas mamany Ásel Taýkenova.
Bir balaǵa memlekettik tapsyrys somasy jyl saıyn ulǵaıyp keledi. Bıyl ol qalada 41 718 teńgeni, aýylda 45 869 teńgeni qurady. Esepteýlerge kommýnaldyq qyzmetter, ǵımaratty kútip ustaý jáne qyzmetkerlerdiń jalaqysyn qamtamasyz etý shyǵyndary kiredi.
Mysaly, Abaı aýdanynda balabaqshalarǵa kezek úlken boldy. Álbette bul másele sheshildi. Ótken jyly kásipkerlerdiń biri Abaıda bos turǵan ǵımaratty satyp alyp, jóndep, sol jerde balabaqsha ashyp, memlekettik tapsyrys aldy.
Qazir oǵan 350 bala keledi. Jańa balabaqshany 550 orynǵa deıin keńeıtý múmkindigi bar.
Ásel Taýkenova jekemenshik balabaqshalarǵa qoıylatyn talaptar qataıǵanyn atap ótti. Tamyz aıynda memlekettik tapsyrysty ornalastyrý erejelerine ózgerister engizildi. Qazir konkýrs ótkizý kezinde pedagogtardyń dıplomdary qosa beriledi. Qaýipsizdik kameralary men dabyl túımeleri bolýy kerek. Quramyna memlekettik qyzmetshilerden basqa máslıhat depýtattary men úkimettik emes uıymdardyń ókilderi kiretin komıssııa sol jerge kelip, talaptarǵa sáıkestigin tekseredi.
«Ár qala men aýdan boıynsha balalardy oryndarmen tolyq qamtamasyz etý úshin qansha mektepke deıingi uıym ashý kerektigi jaıly 2025 jylǵa deıin kezeń-kezeńimen jospar jasaldy», – dep tolyqtyrdy Ásel Táýkenova.
Foto: gov.kz
