Qaraǵandy oblysynda bıyl alty jańa órt sóndirý beketi paıda bolady

QARAǴANDY. QazAqparat – Qaraǵandy oblysynda órt sóndirý beketteri iske qosylady. Úsh jyl ishinde 20 jańa qurylym qurý josparlanýda, onda erikti órt sóndirýshiler kezekshilik atqarady. Olar mamandarǵa kómektesedi. Bul týraly TJD bastyǵy Murat Qatpanov málimdedi, dep habarlaıdy QazAqparat tilshisi.

«Búginde oblysta 30 órt sóndirý beketi jumys isteıdi. Olardyń jartysynan kóbi 2020 jyly qurylǵan. Olardy jabdyqtaý úshin ákimdiktermen 22 mobıldi «Ermak» kesheni satyp alyndy. Órt sóndirý beketterin damytý jalǵasatyn bolady. 2021-2023 jyldary 20, onyń altaýyn bıyl qurý josparlanýda», - dedi vedomstvo basshysy oblystyq TJ komıssııasynyń otyrysynda.

Órt bolǵan jaǵdaıda ár mınýt saıyn órt oshaǵyn tez jáne az shyǵynmen joıý mańyzdy. Shalǵaı aýyldarda órt sóndirý beketteri aıtarlyqtaı kómek boldy.

Osy jyly olardy attas aýdannyń Buqar Jyraý aýylynda, Aqtoǵaıdyń Aqshı, Qarqaralydaǵy Jańatoǵan, Shet aýdanyndaǵy Qyzyltaý aýyldarynda ashý qajet. Nura aýdanynda - Balyqtykól men Aqmeshitte eki jańa beket paıda bolady.

2022 jyly olar segiz órt sóndirý beketin, al 2023 jyly taǵy alty beket qurýdy josparlap otyr.

TJD bastyǵy barlyq erikti órt sóndirý komandalary ádilet organdarynda tirkelýi tıis ekenin atap ótti. Alǵashqy ótinimder kelip tústi.

Oblys ákimi Jeńis Qasymbek órt sóndirý beketterin belsendi damytýdy jáne olarǵa qajetti tehnıkany satyp alýdy tapsyrdy.