Qaraǵandy oblysynda bıyl 1800 shaqyrym jol jóndeledi
QARAǴANDY. QazAqparat – Joldardy jóndeýge Qaraǵandy oblysynda 1 mamyrdan bastap kirisedi,dep habarlaıdy QazAqparat tilshisi.
Óńir boıynsha Qaraǵandy qalasynda 25 shaqyrym jáne basqa qalalar men aýdandarda 363 shaqyrym jolǵa jóndeý jumystaryn júrgizý josparlanyp otyr. Sondaı-aq, respýblıkalyq mańyzy bar 882 shaqyrym jáne oblystyq mańyzy bar 563 shaqyrym jol retke keltiriledi.
Buǵan qosa Osakarov, Abaı, Jańaarqa jáne Nura aýdandarynda jergilikti mańyzy bar joldar men kópirlerdi qaıta jańartý boıynsha 10 joba iske asyrylatyn bolady.
Sonymen qatar jol maýsymynyń sońyna deıin Qaraǵandy - Saran-Shahtınsk baǵytyndaǵy ýchaskede kúrdeli jóndeý jumystaryn aıaqtaý qajet.
Buqar jyraý aýdanyndaǵy Novodolınka - Shahan - Molodetskoe avtojolynyń 17 shaqyrymy jáne Qyzylorda-Pavlodar trassasynyń ýchaskesinde 36 shaqyrym joldy qaıta jańartý boıynsha jumystar jalǵastyrylady.
«Aýyl - el besigi» baǵdarlamasy aıasynda Aqtoǵaı, Shet, Qarqaraly, Osakarov jáne Ulytaý aýdandarynda 37 kóshe jóndeledi.
Jol jumystaryna barlyǵy 5 myńǵa jýyq adam men 1500 jol tehnıkasy jumyldyrylady. Jol jumystarynyń sapasyn «Jol aktıvteri sapasynyń ulttyq ortalyǵy» respýblıkalyq memlekettik kásiporny baqylaıdy.
