Qaraǵandy oblysynda birneshe iske qatysy bar páter tonaýshylar ustaldy
Qaraǵandy oblysy Abaı aýdandyq polıtsııa basqarmasyna 48 jastaǵy qala turǵynynan aryz túsedi. Jábirlenýshi birinshi qabattaǵy úıinen noýtbýk pen qýattaý qurylǵysy urlanǵanyn málimdeıdi. Urylar terezen kirgen. Oǵan keltirilgen shyǵyn kólemi – 170 myń teńge.
Sondaı-aq, polıtsııaǵa 50 jastaǵy Abaı qalasynyń turǵyny aryzdanady. Jábirlenýshi úıinen eki noýtbýk, fleshkarta jáne aqsha urlaǵanyna shaǵymdanady. Bul joly da urylardyń páterge plastıkalyq terezeni buzyp kirgeni anyqtalady. Oǵan keltirilgen shyǵyn kólemi – 1,1 mln teńge.
Krımınaldyq polıtsııa qyzmetkerleri qylmysty ashý boıynsha júrgizilgen keshendi jedel-izdestirý is-sharalary barysynda osy iske qatysy bar degen kúdikpen 29-34 jas aralyǵyndaǵy eki adamdy ustady. Olar qylmystaryn moıyndap, zattardy beıtanys bireýge satqandaryn aıtady. Aıǵaq zattar tárkilendi. Atalǵan derekter boıynsha Qazaqstan Respýblıkasy QK-niń 188-babyna sáıkes qylmystyq is qozǵaldy.
Polıtsııa qyzmetkerleri tergeý áreketteri barysynda kúdiktilerdiń Saran jáne Aqtas qalalarynda jasalǵan eki qylmysqa qatysy bar ekenin de anyqtady. Birinshi jaǵdaıda kúdiktiler jábirlenýshige 330 myń teńge, ekinshi jaǵdaıda 77 myń teńge shyǵyn keltirgen. Kúdiktilerge qatysty qamaýǵa alý bultartpaý sharasy qabyldandy. Tergeý áreketteri jalǵasyp jatyr.
Polıtsııa departamenti tómengi qabattaǵy páter ıelerine terezege temir tor ornatýǵa keńes beredi.
