Qaraǵandy oblysynda birqatar aýyl kósheleriniń joldary jóndeldi
QARAǴANDY. QazAqparat – Qaraǵandy oblysy Abaı aýdanynyń Topar kentinde joldar retke keltirildi. Jóndeý jumystaryna «Aýyl - El besigi» arnaıy jobasy boıynsha jáne jergilikti bıýdjetten qarajat bólindi, dep habarlaıdy QazAqparat tilshisi.
Jumystar aıaqtaldy. Jobalyq basqarmanyń arqasynda merzimderdiń oryndalýyna monıtorıng jáne sapany baqylaý júrgizildi.
«Atameken, Molodejnaıa, Nıkolaev, Olımpııskaıa, Ponomarev, Seıfýllın, Sátbaev kóshelerinde, Jastar býlvarynda, sondaı-aq Gıppokrat tuıyq kóshesinde joldar jóndeldi. Jol tósemi tegistelip, asfalt tóseldi. Jastar gúlzarynda jaıaý júrginshiler trotýarlaryn boılaı jaryqtandyrý júrgizildi», – dedi Topar kentiniń kommýnaldyq máseleler jáne TJ bóliminiń basshysy Qadyr Baltaev.
Sonymen qatar, joldarda jaıaý júrginshilerge arnalǵan jolaqtar salynyp, trotýarlar jasaldy. Kenttiń ortalyq kóshesinde aıaldama qaltalary keńeıtilip, asfalttaldy.
